بنات ما تلاحظون الجيل الأصغر مننا ألي أعمارهم الآن بالعشرينات
مايحبون الأنجاب وبعضهم أعترف ما أبي أكون أم
وأن الأمومه مسؤوليه
ولما اقول لهم أني أحب الأطفال ويشوفوني حنونه على عيالي يقولون ماشاء الله عليك رايقه لهم
حتى الأمهات هذا الوقت قليل ألي يرضعون طبيعي
صراحه أستغرب منهم الأمومه غريزه ونحن شرقيات الأمومه نشربها من حليب أمهاتنا ونرضع أطفالنا مثلهم رضاعه طبيعيه
خلونا نتناقش /
أنا أشوف عندهم أهتمامات ثانيه غير الزواج والأنجاب والتربيه
شاركي في النقاش
سجلي الدخول لإضافة تعليق.
التعليقات
65- مره سمعت هذي الكلمه :
لما سألوها أنتي أم
قالت لا ماني أم الحمد الله
!!!! - السلام عليكم ورحمة الله وبركاته
اول شيء يشرفني اكون تقريبا اول وحده ارد عليك اختي ريما جزاك الله خير على مواضيك
ثاني شيء ياروحي انا البنات ترى انا احب البنات واجد قليبي انا والله وروحي البنات ودلع البنات انا الحمد لله عندي بنات بزوجهم بدري بعد الدراسة على طول اللي يدق الباب طبعا ما نسأل عنه
ثالث شيء هو بصراحة بناتي اكيد ودهم يتزوجون بس يستحون يتكلمون وانا عارفة الشيء هذا صدقيني البنت عندها فراغ ما يملى الفراغ هذا الا رجال وبيبيات وانا دايم اقولهم ترى سواقه وشغل ما عندي بيت زوجك سوي اللي تبينه عندي نو بس دراسة عادي ودلع عادي واعودهم يعني جيبوا عيال فوق ال 5 حلوين
ما اشوف بناتي من النوع هذا ومن المحيط اللي عشت فيه انا لا صراحة
لا إله إلا الله محمد رسول الله - بلعكس مو ملاحظه
الي الاحظه حواليني انهم شادين حيلهم ورا بعض ع اساس انه دليل عالحب بين الزوجين
بدون احساس ان الانجاب مسؤوليه كبيره - الأنجاب مسؤولية كبيرة مو اي أحد يصير ام او أب
طبعاً انا اتكلم عن الأم المثالية والأب المثالي - هلا ريما
هل قصدك الآنسات اللي ما بعد تزوجوا يقولوا كذا ؟
و إلا متزوجات و يقولوا ما عندنا رغبة بالأمومة ؟
بالنسبة لي ما لاحظت
لأن كل المتزوجات اللي بالعشرين كانت سعادتهم جدًّا ظاهرة بعد إنجابهم الطفل الأول أو الثاني
يعني اللي أعرفهم مازالوا الحمد لله على فطرتهم و يتمتعون بالأمومة و يهتمون للرضاعة الطبيعية.
و لكن سؤال / مثل أيش الاهتمامات الثانية غير الإنجاب و الزواج اللي تشدّهم أكثر ؟
مواضيع مشابهة
تابعي تجارب أخرى من هذا القسم.