هل سبق شفتي احد الانبياء او الصالحين في رؤيا

سبحان الله وكيف كان احساسك وانت تشمي الريحة

انا لا
بس صراحة وحدة تكلمو عنها انها بدلو ولدها مع واحدثاني بالولادة
ولي عندها مات
خلفت غيرهم والحرمة رغم صغر سنها ذيك الايام الا انها ام الخير وين ماراحت صدقات تبرعات زوجها غني وعايلتها غنية وهي ماتقصر
وهي ماتدري اساسا بسالفة الولد لحد ماشافت رؤيا نهاية عام ٢٠١١ انها تطوف بالكعبة بعد ماخلصت قابلها واحد لابس ابيض
كلمها وبشرها برضا الله عنها وبلغها انه في غايب بيرجع لها
وتكررت الرؤيا ثاني مرة انه في غايب بيرجع لك وبتقري عينك فيه
والمعجزة انه الولد رجع لها بداية منتصف ٢٠١٢ كان مع عايلة اجنبية ومن برا السعودية
لا هي مصدقة ولازوجها مصدق لي صار رجع لهم عمره ١٢ سنة
بنت خالتي توفى ولدها البكر بحادث سيارة عن عمر ١٧ عام ٢٠١٥
حزنت عليه كثييير بعد وفاته بشهرين جات لها رؤيا بعد مانامت من كثر مابكت
شافت ماسكة يد ولدها وهي تبكي وهو يضحك راحت لعند سيارته نفسها حق الحادث لقت ٢ لابسين ابيض ولحيتهم بيضاء ينتظرونه تمت متمسكة فيه بس راح عنها ولما اخذوه طلع لها واحد لابس ابيض قالها ابنك معانا ومرتاح لاتخافين عليه هو عند مين ارحم منك
وصحت مرتاحة بس الحزن والأسى ماكلها رجعت بعد كم شهر شافت رؤيا نفس الشخص قاعد يوريها احاديث نبوية عن نعيم المؤمن بالجنة وايش يشوف بالجنة وانه قبره روضة ويقولها هذا لي صار بالولد

سبحان الله قشعر جسمي من حلمك

سبحان الله

وبعد
في ولد عم زوجي
نشأ يتيم الاب
عاش بكنف ابو زوجي رحمه الله
كان ولد طيوب حبوب كثييير وخدوم ودمه خفيف وعلى نياته وكلامه جميل كانو ينادونه سمسم 😅 وكان محبوب جدا من العايلة
لما بلغ ٢١ من العمر صابه سرطان وتعافى منه لكن اصابه السكري بعدها من مضاعفات العلاج
رجع له السرطان وانتشر صار يعاني من عدة امراض
تخيلي جسد شاب صار عمره ٢٣ سنة يحمل سكري فشل كلوي سرطان تخيلي بس
رغم هذا الشي والتعب الولد تم مكمل حياته ومحافظ على دينه وحامد لربه
لكن ان الاوان للجسد ان يستريح
بيوم وفاته عمته لي ربته مع اخوها شافت رؤيا
ناس لابسين ابيض دخلو عليه غرفته بالمستشفى وبعدها تشوفهم يرتلون قرآن بصوت جميييل يغسلونه بس ماشافته هو شخصيا بس واضح من الرؤيا انها عليه ويضحكون وتشم ريحة جمييلة وفعلا مات ليلتها صحت من الرؤيا على خبر موته
صراحة اصدقها لانها صاحبة علم ودين
ولانه الولد كان مبتسم وقت التغسيل