سلام عليكم.. مين توفى لها غالي وحبيب مثل اب او ابن او زوج وكيف عاشت حياتها بعد وفاه الغالي ؟
وكيف حالها في السنه الأولى من وفاه حبيبها؟ هل كانت تحس بضيقه واكتئاب وتقلب المزاج؟
وهل شافت رؤيا بعد الوفاه ربطت ع قلبها
وكيف كانت تصبر نفسها وتقوى نفسها؟
انا الوالد توفى بكورونا واحس بضيييقه واحس حياتي واقفه واحس حياتنا تغييرت بعد وفاته ومو قادره انساااه ولا قادره اكمل اهدااااف حياتي ولا احس بسعاااده
لا سفرات ولا طلعات ولا دراسه تونسني
مو عارفه كيف اكمممل حياتي بعد الوالد
مالي نفس بشيء..
شاركي في النقاش
سجلي الدخول لإضافة تعليق.
التعليقات
33- الله يرحمه ويغفر له ويسكنه فسيح جناته
أنا أفهم شعورك بس يا عمري ما يصير ألي تسوينه بنفسك الحياه تستمر
تصدقي عنه وأستغفري عنه حبيبتي
أنا ماتت لي صديقه كانت غاليه علي
وشفت لها رؤيا أرتحت بعدها الحمد الله
كانت تناديني بالحلم وواضح من صوتها أنها سعيده
ماشفتها في الحلم فقط سمعت صوتها الله يرحمها
كلنا بنموت ما راح نعيش الخلود بالدنيا - غصب عني شعور بداخلي صعب..
كل مااقول بعيش حياتي مااقدر..
نفسي اشوف فيه رؤيا وهو فرحان ومرتاح يمكن ارتاااح..
كان أغلى شي بحياااتي وفقدته
احيان اخاف انه الله بيغضب علي من كثره البكاء واخاف يكتبني ساخطه واحس صرت اخاف من الموت واوسوس اني بموت.. - ياحبيبتي الله يهون عليك يارب
استرجعي كثير وانا أختك كرريها من قلب
واقري قران يمسح على قلبك ...
اشوف وضعك طبيعي ... لكن صبري نفسك وربي بيقويك ويعينك
وطلعي صدقة عنك وعنه
الله يرحمه ويجبركم - يا حبيبتي
ما في احد مافقد احد غالي عليه ....
والموت تري مايخوف الموت راحه للمؤمن بيروح لربه اللي خلقه لرحمته وغفرانه
الحياه تستمر ...البدايه صعبه ...بس بقول لك شي عليك بالقران والصلاه كل ماتضايقتي ....
حبيتي هو محتاج دعاك صدقتك افعال الخير الحين البر الصحيح
ابليس يخليك حزينه لازم تتحدي وتتغلبي عليه لان ابوك الله يرحمه يحس الاموات يحسون بكل شي
صدقين مررره كانت عندي مشكله قويه ومظلومه سنين ونمت ذيك الليله مررره مخنوقه محد اقدر اشكي له همي الا ربي صليت ودعيت المهم هذي الليله نمت مره زعلانه لقيت جدي جاي بالحلم يواسيني ويقولي الدنيا دار ممر والاخره دار البقاء لاتزعلين وانا كنت بالحلم ابكي وهو يواسني
وكثير اشياء الاحياء مايدرون عنها وهو يجيني يواسني اذ تضايقت - توفت بنتي وبيوم وفاتها قلت لنفسي انتهت حياتي وجلست اقول ليت الايام اللي قبل ترجع ابي بس تنطبع معنى السعاده بعقلي واشبع من الحياة لانها بعيني وقفت هذاك اليوم
الحين بعد سنتين ابوس صورها ساعات تنزل دمعه وساعات بسمه والحياة ماشيه
اي نعم راح يبقى معك الم وشوق لفقد ابوك رحمة الله عليه لكن الحياة بتمشي وهذا درب كلنا ماشينه عزاك ان شاء الله انه بدار احسن من داره وبنعيم الجنه يارب
الله يجبر قلبك وقلبي وقلب كل مسلم فقد غالي
مواضيع مشابهة
تابعي تجارب أخرى من هذا القسم.