كره السلفات لبعض

ابداً ما اكرهن وعلاقتنا مبنيه على الاحترام
نسولف ونضحك ونستانس ما فيه شيء يستاهل اننا نكره بعض عشانه

انا عندي ثنتين انا زوجة الاصغر.. زوجة الكبير الشر كله رغم علاقتي سطحية ما سلمت منها.. ربي يهدي الجميع

ليش يكرهون بعض ؟ اذا كل وحده مستقله ببيتها العلاقه تكون رسميه اكثر اللي يصير بينهم خلاف اللي ساكنين سوى اما ان وحده فيهم ماتشتغل او تاركة عيالها يمرحون ويسرحون ويكفخون عيال الثانيه 😅
او بسبب تميز اهل الزوج لوحده على حساب الثانيه هدا اكثر شي اشوفه يشعل الكراهيه والحقد

الله يهدييهم ويصلحهم
بس الاحظ ع وحده منهم
تحاول تطلع ع اكتافي
يعني اي شي اسويه تدقق عليه
بالذات لما نكون مع حمواتنا
وقد ماتقدر تغلطني في اي شي
اقول رائي بشي ع طول يكون عندها العكس
ربي يسعدها🤣وتبطل هالحركات

السبب الأول الزواج الي هم الاخوان
زوجة واحد من الاخوان راعية طلعات و مواجيب و ثرثاره ولا و طبخها مو ذاك الزود و لا عندها اهتمام بي البيت و الزوج
و زوجة الثاني هادئة راعية بيت من طبخ و سنع ومهتمه لزوجها و عيالها لهم الاولويه
فيمدح الزوج زوجة اخوه او تشوف زوجها يشوف حياة اخوه احسن منه
فتغار من سلفتها
وفيه الفروق الماديه وحده زوجها يحب يجيب ويشتري ويسافر وحده زوجها لا ما يحب الطلبات الزياده و السفر و المطاعم وهم اخوان انه ليش زوجي مو زي زوجها ايش الفرق بين و بينها فتغار
وكمان تعامل الزوج مع اهله طيب ويخاف الله فيهم وبار حسب قدرته لو تعامله حلو بالكلمة مو لازم فلوس فينعكس تعاملهم مع زوجته يعاملونها بطييب
والثاني يهاوش او دائم معصب وينافخ ولا يخدم احد ولا له شغل بأحد فتلقينهم يتعاملون معاها بجفاء او برود
أسباب كثيره الغيره خلفت البنات و الاولاده وحده عندها بنات و حده عندها عيال
وحده دايم تجي وفي يدها شي طبخه او ضيافه او هديه في العيد لعمتها
وفيه إلى نجي تاكل وتمسح يدها بالجدار