التجمع الأول لأمهات مواليد شهر ستمبر (9)&أكتوبر (10) 2021

انتبهي التمر يجيب المغص خليه على ٤ شهور افضل

هلا و سهلا مامات و يازينك يانغم فتحتي لنا بيت جديد حنا و نونواتنا 😍
قريت ردودكم و مشاركاتكم و لي عدة تعليقات جماعية بكتبها هنا.
سالي دكتورتك الي سوتلك تجميلي سبحان الله انتي تمدحين خياطتها و انا وقت ولادتي معها ( ولادة سابقة ) تسببت علي بخطا طبي قطعت اوردة و دخلتني في حالة نزيف داخلي و صدمة و اغماء و هيماتوما. ( نزيف شديد و تورمات تحت الجلد ) عشان بس اعلمكم انه احد يمدح و احد يسب و حسب التجارب تفرق من وحده لوحده و الحمدلله
مع نفسي وحيدة انا في الطفل الثالث سويت تجميلي مع الولادة بسبب خارج عن السيطرة الي هو اعلاه مكتوب حصل لي مضاعفات و جرح على الوريد و دخلت في دوامة تعب و خياطة من جديد و ضبطني الدكتور و صراحه الوضع كان متعب بعد الاربعين و حتى ولادتي الي عقبها صعبه من كل النواحي مررره مررره.
هالولادة تجميلي ايضا مع الولادة والله يستر. الدكتور نفسه سواها لي مع اني طالبه خياطه مرتبه بس.
تتعب في الولادة جدا جدا. و انا الحمدلله احس اني مكتفيه بعيالي و ساعات يراودني فكرة اني احاول مرة اخيرة لعل اجيب بنت اخت لبنتي تصايح دايم علي ،، بس و لو اتوقف علطول عن التفكير بمجرد ماافكر تعبت خلاااص 😩😩😩
بنات الي يسالون عن احسن قطرات للمغص فيه دنتينوكس حلوة مره ٢ مل و نص مرتين يوميا. رائعه اشوف ولدي هجد عليها له يومين ينوم يارب منام العافيه و يارب دوم هالهدوء مت من السهر و الصياح
بنات الي تبي تختن ولدها تختنه بالشاش بمراحل احسن من الحلقه عن تجربه
و لا تستعجل من اول يومين و لا تتاخر اكثر من شهر حرام يتعب الطفل.
التجميلي عموما الي توها ولادات قليله لاتسوي تجميلي تخليه في الختام.
و الي ناويه تحمل لا تسوي بعد.
و الي تحس نفسها زينه و تعبر زمنها لا تقعد تلعب بعمرها بعد🤓
التجميلي للحالات الي ماينسكت عليها من وسع و خراب في الخياطه.
و سلامتكم.

انا نزل وزني اقل من قبل الولادة
نحفت ١٤ كيلو
و باقي لي ع الوزن المثالي بعد ٤ كيلو.
و باقي تنزيل الكرشه احسها صامدة في مافوق السره.
و يارب يارب يسهل لي اجازة الرعايه
احس لازم اخذ يابنات وضعي متكركب مره مره. و شغالتي تبي تروح 😭ادعولي ان الله يسخر لي و يقبلونها هذاني بقدم عليها ادعوا لي ،، ربي يسخر لي و لكم 😘

بس الاصوات مالها علاقه بالوسع و لا التجميلي هو الي يضبطك لحاله. .
اشربي مقل مع قهوتك حطي كسيرة في فنجالك مره مره زين للهواء اقري عنه في قوقل و شوفي التجارب انا جربته اخر نفاسي ذا احس يشد و ممتاز صدق صار زين على مدحهم له احسه يخفف حتى الكرش و تدفي و البسي شراب و توقي عن البرد و عليك بالمشروبات الدافيه
و يارب تطلعين و اطلع انا وياك و الجميع احلى عرايس.

صح اصلا مايصلح الا بعد الرابع.
غلط يعطى للبزران اقل من اربعة اشهر