هل يحق للزوجة محاسبة زوجها في حال انه خانها ؟،

لا والله مين قال
شوفة عينك مواضيع فيها حريم موظفات وذايقين الويل
ومع ذلك راضية بالذل
اللي يفرق هو تقدير الوحدة لنفسها
وقوة شخصيتها
في حريم كثر مو موظفات وشخصياتهم قوية
وماترضى ينداس لها طرف
وفي حريم اهلها يكونو وراها وواقفين معاها
والطلاق عندهم امر عادي
طبعا ماحد ينكر الوظيفة تعطي احساس بالقوة والاستغناء
لكن زي ماقلت مع ضعف الشخصية لايفيد لافلوس ولا اهل

مالها دخل اذا موظفه او ربة منزل ... هي على شخصية الوحده و ردة فعلها ...
ياما سمعنا موظفات خانوهن رجالهن و سكتن . و ربات بيوت واجهن

الإستقلال المادي أكيد يعطي قوة لكن العامل الأساسي هو شخصية الزوجة والزوج

لا أبداً ماله دخل..

اعرف موظفات بطايقهم مع ازواجهم، وموظفات على علل زوجها صابره واخر حل عندها هو الطلاق..



المقدره الماديه عامل مساعد بس مو كل شي!

يعتمد علي العلاقه نفسها هل زوجك بيحسب لك حساب ويحبك ويبغا يحافظ على زواجكم؟
وهذي مجرد نزوه؟
هذي حتى لو كانت ماعندها قرش بتمسح فيه البلاط لانها عارفه مكانتها عند زوجها وعارفه ردة فعله وشخصيتها قويه..



والموظفه لو عارفه انه زوجها مومهتم وممكن يطلق بسهوله َلو واجهته ممكن تسكت وماتواجه لاعتبارات كثيره تهمها..



من الخطأ اننا نضع الناس في قالب واحد يمثل وجهة نظرنا للامور..



لانه غير منطقي انه كل الموظفات ازواجهم مايخونون خوف من الطلاق وربات البيوت ازواجهم خاينين لأنه ماعندها مصدر مادي!



كله يعتمد على العلاقه وقوتها والزوجه نفسها والزوج وهل الزوجه تبغا الزواج يستمر سواء كانت موظفه اولا..
والزوج هل يحب هذي الزوجه ويسعى للحفاظ على بيته ولا مافرفت معاه..



مع اني مااحب اذكر امثله اجنبيه بس لتوضيح الصوره زوجة بيل كلينتون هيلاري زوجها فضيحته بجلاجل وتناقلتها كل القنوات العالميه ولا كان ينقصها مال او عمل علشان تقرر الانفصال لكنها فضلت الاستمرار لاعتبارات تخصها! ..



الموضوع يعتمد على عوامل كثير منها الماده لكن مااعتبره العامل الرئيسي للموضوع..

حتى الغير الموظفة تقدر تشرشحة
هو يعتمد على شخصية الزوجة في المقام الاول
ويتعمد على قوتها في انها تاخذ موقف منه