زوجك عنده مشكله وحده زوجك سميييييع لكلام الحريم يعني فيه بعض القرايب حتى لو ماسبوا فيك ولا جابوا سيرتك بس يتكلمون بشكل عام الحريم السنعات يسوون ويسوون وفلانه والله تسوي كذا وفلانه تسوي كذا ويجيبون احيانا اشياء خارقه ممزوجه بشي من المبالغه ويتكلمون في وحده مادققوا في ظروفها يمكن ماعندها عيال صغار يمكن عندها شغاله تساعدها يمكن عندها بنات كبار يساعدوها وزوجك وتفكيره المحدود على باله بالمعامله والطريقه هذي انه راح يربيك ويصيرون الناس يمدحون سناعتك ويمدحونه هو انه رجال ومسنع حرمته زوجك للاسف شايف اهمالك بيتك طعن في رجولته سواء سمع الكلام من احد او هو متربي بهذي الطريقه جيبي له الصراحه بوجهه عشان ينحرج من نفسه ويعرف انك فاهمته
اتوقع عصبية زوجك مو بسبب النظافة اتوقع اما بسبب انه يتعاطى مخدرات او بسبب او تطفيييش يبغا يطلع فيك سبب وحاطط عذر انك مو نظيفة او انه محتاج الجنس مو لاقي وقت يجيك فيه وقتك ووقته مو منتظم مع بعض فماتتلاقون انتي وقت مايقوم تكوني دوبك نايمة والعكس وشي ثاني لاحظت غلط في تفكيره باعتقاده انه من المثالي تكون الزوجه كالخادمة ٢٤ ساعة ماتنام ولا تاكل الظاهر اخواته وامه كان يشوفهم كذا انه متربي ببيئة عيب تكون الوحدة متمدده ونايمة بوجود الزوج والله اعلم عاد مجرد توقعات ومهما كان الي سواه ماينسكت عليه اسلوبه جدا همجي وعيب عليه يخوفك ويخوف الاطفال
انت غلطت الكتاب باين من عنوانه الرجال يا يتعطى يا مريض نفسي وانت رجعت بعد الطفل الأول ليش كان اخذت تعهد عليه و شهود انه يعاملك بطيب كان قلت لي اهلك يصحني عندي ضيوف وفي الاخر يقول ماعندي بس ابغاك تجهزين وتشتغلين وما تنامين. الحياه صعبه اذا الإنسان ما يرتاح في بيته مايقدر ينام ولا ياكل ولا يرتاح وفي حرب مستمره