انا موظفة وزوجي وضعه المادي تمام الحمدلله. يقهرني انه من بداية زواجنا ما كان يبادر يشتري لي شيء وحتى من اول شهر اذا رحنا للسوق كان يختفي اذا جيت احاسب يخاف اقول له حاسب عني. وهذاك الوقت كنت طالبة ما عندي الا مكافئة!
اليوم بعد الوظيفة تعبني اكثر واكثر. شايلة مصاريفي من الى واحيانا حتى اجيب اغراض للبيت من فلوسي مثلا ديكور او اشياء تخزين للمطبخ او مواد تنظيف ومكانس. ما يبادر بالاشياء هذي على انها مهمة لكن ما يجيبها.
اللي يقهر انه اذا جاء اخر الشهر وما معاه فلوس يجي يقول هذا كله منك ،، تخيلوا ! طبعا هو مبذذر درجة اولى بس ما يصرف علي شيء غير مقاضي البيت والباقي انا اجيبه.
اذا طلعنا واشترى لي مثلا قهوة ب١٠ ريال يجي بعدها يقول يله وش بتعشينا !!
واذا طلعنا مره ثانية يقول قهوينا يله ! صرت بنات حتى اذا جاء بينزل يشتري قهوة او شيء ارفض اقول شكرا ما ابي لا تجيب لي شيء
صرت اذا بيجيب اي شيء على حسابه ارفض. حتى مقاضي البيت اذا سويت شيء منها لي لحالي احس تجيني غصة وانا آكل.
صرت حتى كل ما اشوف وحدة تصور طلعاتها هي وزوجها اقول بنفسي هل كوب القهوة هذا بيطلع من عينها وتغص فيه؟
اذا انضغطت مرره بالشهر ولا قدرت اسوي غداء اطلب على حسابي لانه اذا قلت له يجيب معه غداء ب٢٠ ريال يجي آخر الشهر يقول خلصتي راتبي بطلبيات المطاعم. ما ابي منه اي شيء !
ولا يقدر اني شايلة عنه حمل ابدا مدري وش يبي 💔
مجرد فضفضة لان ما ودي اشكي لامي واضيق صدرها.
شاركي في النقاش
سجلي الدخول لإضافة تعليق.
التعليقات
42- ماعليه ياقلبي
هي الدنيا كذا مافيها شي كامل
الحمدلله على نعمة الوظيفه على الاقل تعزك عن حاجة الناس
مشي حالك اغلبهم كذا
واصحك تتشكين لاحد من الوضع هذا لان الناس واولهم اهلك يابيقعدو يزنون عليك لاتغطين لاتسوين وتدخلين في متاهة مالها اول ولا اخر
او ان الموضوع بيسمع فيه كل من هب ودب وتعالي بعدها شوفي نغزات الشماته
اذا هو زين معاك ويطلعكم وكويس مع عياله عيبه بس انه مشفوح مشي حالك
مو كل شي بالدنيا له حل
كلنا عندنا مشاكل احيانا حلها التغافل التأقلم التطنيش تكبير العقل - احس حياتي معه حياة زملاء ساكنين بسكن عزاب وكل شيء بالقطة وينقهر اني آكل على حسابه حتى. بنات حتى اذا طلعنا وجاب لي قهوة او شيء استحي ابين له اني متلذذة فيها او مبسوطة او حتى اصورها للذكرى (ما احط شيء على السوشل ميديا بس احب اصور واحفظ)
مدري ليه وصلت لهالمرحلة والشعور السيء لدرجة الاحساس بالذنب. والموضوع ترى مو بس على قهوة او عشاء لا هي اشياء اعمق من كذا. حتى مقاضي البيت اعطيه لسته ويجيب نصها واذا قلت والباقي يقول هذي انا ما آكلها جيبيها بفلوسك. تهاوشت معه على كلمته هذي بس يبقى تفكيره كذا ومستحيل يتغير 💔 - قبل اسبوع طلعنا ونزل مطعم برقر، قال تبين اجيب لك معي؟ قلت لا شكرا مو مشتهية وانا الصدق كان ودي فيها. وجاب لي معه بس رفضت آكلها واكلها هو. لما انا اشتري اكل على حسابي ياكل عاااادي وبراحة نفسية. حتى مره طلب حلا لي وقمت اعدل نقابي ويوم رجعت لقيته ماكله كله. ما قلت شيء طبعاً بس شوفوا الفرق كيف
- خذي الامور بسلاسه ولاتصعبيها وتلذذي وطلعي كل مشاعرك
وتعذري قولي نسيت محفظتي او صرافتي او اشتري ذهب براتبك وحطيه عندك وخلي من الراتب شوي جربي صيري مفلسه ومشاريه ذهب وقوليله اشتريت بفلوسي او دخلت جمعيه وشجعيه يصرف من عنده - الله يفرج لك يارب من عنده أنتي طبيعية جداً ....ربي يسخره لك يارب ويحنن قلبه عليك
مواضيع مشابهة
تابعي تجارب أخرى من هذا القسم.