التجمع الـ٢١٠ للمقبلات على الحقن المجهري (تجمع البشائر بإذن الله)

نورتي شموعي عودا حميدا

يعني نقدر نسوي حقن عندهم بفلوس صح ؟ والا يمكن مايشمل ذا القسسسم مرا حلو والله لو فيه اروح لهم

انت ايش جديدك بعد الفشل من شهر شوال ماعاد دخلتي ايش صار

والله كل فترة هنا نذكرك وندعي لك 🌺

انا حملت وحملي خارج الرحم انتهى بقيصريه ولله الحمد والعوض القريب

انا راح اطلبه كمان ان شاءالله
بنات تتوقعوا ترجع لي كمان على تبويض طبيعي ولا تغير الخطه
انا ودي اغير الخطه بس زوجي يقول خليها تسوي الي تشوفو لاتتكلمي
وكل ماتكلمت قال فلسفه بنات القروب خربوا مخك اطلعي منه😩
هي قالت احتمال المشكله من الاجنه موو منك الحمدلله على كل حال يارب تنجح يارب ماعاد فيه فلوووس

هجوره قريت كلامك اوجعني قلبي


فعلا فيه ناس لسانهم سكين اعوذ بالله

بس فوضعك لاتسكتين خصوصا انها حرمة كبيره و كمان ماعندها غير ولد واحد
اذا رجعت تكلمت قولي لها فنص المجلس عشان الكل يخاف منك و لا يتجرأ يسأل و خليهم يقولون لسانها طويل و ترد بس بعض الناس مايجي معهم الاحترام يتسلطون اكثر
قولي و الله لو كان الرزق بيدك كان جبتي اخوان لولدك و يالله شدي حيلك و اسبقيني و احملي خليها تتذكر ان عمرها كبير و لا تقدر و الله بعدها بتنفشل و لاعاد تجيب طاريك


اما بخصوص زوجك الله يصلح مابينكم لاتوصلين الموضوع للطلاق و الله هذا مو حل ولدك الان فعمر انه يحتاج ابوه اكثر منك اخاف لو انفصلتوا يأثر عليه و يعتبرك انتي غلطانه ماصبرتي على ابوه و يختاره و تسببون له تعب نفسي
و الحين صار حتى الضمان معاد فيه الا بشروط و الحياة صعبه و تقولي اهلك متوفين الله يرحمهم و صعب تكونين عاله على احد لانك انتي بتتعبين
اقولك من تجربه اختي زوجها بخيييل و شكاك و يوصل للضرب احيانا و فوقها متزوج و لايطلعون و لا يروحون مكان لايعرفون مطاعم و لا دلع و لا تمشيات و صبرت الين عيالها اكبرهم صار 14 و اصغرهم 9 و هم بس 3 عيالها و جات عندنا واعطاها ابوي بيت له و الحمدلله طلعت و اتمشت و نزل الضمان و المحكمه حكمت عليه يصرف عليهم مبلغ كل شهر و كان مايقصر و حاول يعتذر و يرجعهم و رفضت و له زياره لعيالها كل اسبوع تقريبا و جلست 3 سنين مطاعم و دلع و لكن ولدها الكبيره وصل للمراهقه و صار عنيد و يبغى يروح لابوه و افكاره تغيرت من كلام ابوه و انه المفروض تصبر و شاف ان امه غلطانه و ولدها الصغير كان مكسور مره و تصرفاته عدوانيه بشكل لكن يحب امه و لا يقدر يزعلها و بنتها كمان صارت منعزله شوي المهم فالاخير الولد اختار انه يرجع لابوه و الصغير توقعنا نفس الشيء بجرد مايوصل للمراهقه بيرجع لابوه و البنت الحمدلله انخطب و صار زواجها قريب
وطليق اختي حاول يرجعها و وافق على كم طلب لها و رجعت له قبل زواج بنتها
و الحين تقول الحمدلله تغير شوي و اهم شيء راحة عيالها الحين صاروا ماشاءالله نفسياتهم حلوه والبنت فرحانه ان امها رجعت قبل زواجها


طولت عليك لكن قلت هذا الكلام عشان ولدك مافيه حياة مثل وجود الاب و الام معهم و سمعنا عن قصص الطلاق كيف تأثر على نفسيات الابناء صعب تطلبين طفل و تظلمين الموجود عندك
اهم شيء ماتوصل ان زوجك يأخذوا اشياء مو كويسه او يضرب او منحرف الباقي كله يهون ياقلبي


و ربي يجبر قلبك و يدلك على الحق و يعوضك بتؤام يحملون حياتكم ♥️♥️