وش الحل مع زوجي

السلام عليكم متزوجه من سنه وبديره غير ديره اهلي لكن زوجي تعبني مره كل شي يتحكم فيه حتى جاراتي ممنوع اطلع لهم ومستحيل اطلع من البيت يومي كله معه اصحى من فجر الله اسوي فطور وقهوه لحضرته واشتغل كثير بالبيت وهو عصبي ونفسيه وحتى يشك فيني يعني لو سالت سوال ياويلي من التحقيق الي يجي وطول الوقت معصب مني انا احاول اهدي الامور لكن هذا يبالغ شورو علي وش اسوي انا للحين ما حملت ويعتبرني فيها انو كل اصحابه الي بعده جاهم اولاد او زوجاتهم حوامل ويقول الله يشفيك كني مريضه الله يسعدكم شورو علي وش اسوي انا بنفجر

7 تعليق 1,937 مشاهدة

شاركي في النقاش

سجلي الدخول لإضافة تعليق.

التعليقات

7
  1. يا حبيبتي صعب احد يشور عليك في امر زي كذا لان محد يعرف التفاصيل اللي بينكم و مشاعركم الا انتي ..


    لكن اذا هذا وضع تحسين انك بتتحملين تعيشين فيه طول حياتك و تتحملين اطفالك يعيشونه كمان فكملي..


    اذا هالشي صعب و بيتعبك نفسيا طول عمرك و يخلي تربيه اطفالك اصعب و جربتي كل الحلول معه و ما نفع الانفصال خيار من خياراتك قبل ما يكون فيه اطفال …
  2. @ryma_511

    ادعي الله يختار لك ولا يخيرك .. اذا اهلك متفاهمين دخليهم بينكم واذا لا مالك الا الصبر والدعاء .


    الله يسخره لك ..
  3. زوجي كان كذا مع الوقت بدأ يتغير شوي لكن للامانه اجتهدت كثير وصارت مشاكل عشان يتغير ..حياتي كانت جحيم اقسم بالله كان عباره عن شخصيتين شخصيه تحب وتدلع وفجأه يقلب سي السيد تحسينه متعبي راسه وخايف انه اخرب او اتغير عليه او اتعود على شي ما يبغاه كنت ما احاول اسايره كثير بكل شي عشان مايخليني على كيفه لكن كان باله طووووويل ما عنده مشكله يتخلى عن كل شي ويركز معايا انا بس
    الى ان صارت مشاكل وشرطت فيها انه ما يمنع عن بعض الامور وانه يكون وسط
    والحمدالله تحسن شوي صح انه لسه يتكلم بس مكبره راسي واسوي اللي ابغاه طالما هالشي من حقي لو بكيفه ما اخرج من برا باب الشقه الا رجلي على رجله والاماكن هو اللي يحددها بس
    ما حملت وكان زوجي يستهبل معايا اول ما تزوجنا وفعلا لين سنه تقريبا وهو يلمح انه يبغاني احمل وانه اللي معانا صار عندهم اطفال
    يعني كنت احسه دفش صراحه وما يراعي مشاعري الى ان اكتشفنا الحقيقه المره بأنه المشكله عنده وشوفيني ليا الان فوق العشر سنوات صابره معاه واحاول ادعمه بكل الطرق والله لا يضيع تعبي يارب

تابعي تجارب أخرى من هذا القسم.