التجمع الأول لأمهات مواليد شهر ستمبر (9)&أكتوبر (10) 2021

اي والله انا اشتاق لكم كل يوم بس الجميع معذور الاشغال تلهي الواحد اهم شي ما ننقطع و كل وحده تدخل تكتب اخبار النونو و اخر التطورات

اللي طعموا ٤ شهور كم ابره ؟ باقي لبنتي اسبوعين عليها

خلني بقول شصار وياي في هالكم اسبوع 😅
اول شي بعد ما خلصت الاربعين ما رجعت بيتي على طول و قلت خله لتطعيم الشهرين يمكن يمرض و ما اعرف اتصرف وياه ، و قبل ما يكمل ولدي الشهرين باسبوع امي سافرت العمره و رجعت قبل تطعيمه بيوم ، و الحمدلله طعمناه و صخن شوي بس مع الدوا خفت الحراره بسرعه ، بعد اسبوع قلت خلاص برجع بيتنا بس شاء القدر ان تطلع امي فيها كورونا ، هي فحصت اول ما رجعت و طلع الفحص سليم مع ان كانت فيها اعراض 😂 و لما شافت انها بعدها مريضه راحت المستشفى مره ثانيه و سوو لها فحص و طلعت مصابه ، و عقبها سوينا كلنا فحص و كلنا هم بعد مصابين و زوجي بعد بس ولدي مو مصاب ، و زوجي انحجر في بيتهم و اني انحجرت في بيت ابوي 😂 و اليوم طلعت نتيجة الفحص الثاني لولدي و طلع مصاب الحمدلله لكن ما فيه اعراض 😩 و بس شكلي بقعد في بيت ابوي ٣ شهور 😂

يا عمري انتم الف لا باس عليكم الله يزيل هالوباء عنا بقدرته و قوته راجع بشكل قوي الله يكفينا الشر و الله يحفظ نونوتك استودعناه الله و انفسنا و ذرياتنا و احبابنا من كل شر يارب

ان شاء الله يا رب 🤲🏻

السلام عليكم بنات مين جاها بواسير بعد الولادة و كيف تشافت منهم