الصمت العقابي لاشهر ..احتاج مشورتكن

وضحي كلامك يا رشفه هي فعلا قرده بمعنى قبيحه ومو عاجبته ؟؟؟
او انه يشوفها بشكل مسخ بسبب السحر الي سوته خطيبته الاولى!!

لا يا عسل مو قبيحه
بالعكس حلوه ماشاالله ونظيفه وسنعه ودايما انيقه والكل يحبهاااا
لكن صار يشوفها مثل القرد بعد فتره وبداية زواجها هي تعبت وما تقبلته بعدين انعكس الوضع وما زالوا على فكره مو متقبلين بعض كثير وكل واحد له مكان جلسه خاص فيه ولهم الان عشرين سنه تقريبا كأنهم اخوان بس لما يبعدوا عن بعض يشتاقون لبعض وماشاءالله عليها صامده ما تبغي ترجع لبيت لأهلها و عشانها تحبه لانها م ترضى عليه وعشان اولادها اللي جابتهم بصعوبه بعد معاناه .. الله يعوض صبرها يارب

ابحثي عن الشخصية النرجسية والزوج النرجسي
وشوفي شخصيته نرجسية ولا لأ ؟؟

شكرا لكل الي ردوا ..
الي تقول خلي اهلك يكلموه ..سبق ورحت بيت اهلي لما بدا يهجرني لمدة شهرين والسبب اخذني عند ناس زياره وطول ماجا ياخذني ..وارسل له بتجي لي ولا اروح مع اهلي للبيت ؟
ومارد علي الا متاخر واهلي راحوا خلاص
وعصب عشان هالموضوع وجا لي متاخر مره
يقول ليه تزعجيني عند اخوياي وكلام كثير
رديت عليه بان الناس كانوا يتثاوبون بينامون خلاص وش تبغاني انتظر اكثر !!
عشان هالكلمه قوم الدنيا وهجرني شهرين وحاولت افهم منه بدون سبب اخرتها رحت لاهلي وقعدت سبع شهور
تدخلوا اهلي واهله وكان شكواه اني مو نظيفه وما اطبخ
مع اني اطبخ وانظف ..
بس هو دوامه طويل من الصبح لاخر الليل يرجع ف يفطر ويتغدا ويتعشى برا
حاولت اعوده يفطر معنا لكنه يتضايق بحجه انه مايحب يفطر اول مايقوم
والاكل اعمل حسابه بس لما اشوفه ينرمي صرت اسوي لي ولعيالي وان زاد اخليه بالمطبخ وبعدين ع الثلاجه
بس ينكر كل هالشي ..
الي تقول لي ع الوظيفه
حاولت اتوظف من تزوجت وانا اقدم بس لاني اجنبيه مايقبلون
وكمان عيالي اصغرهم رضيع ما يتقبل يقعد الا معي ولايبكي
هو عادي عنده اشتغل بس بمكان مو مختلط
..
مع اني ضد التجسس بس اتوقع جواله بلقى فيه جواب لاسئلتي ..
المشكله انه حريص عليه مستحيل يفتحه قدامي
وحاليا معتزل بالمجلس حتى ما يلمحني ابدا


سالته اذا متزوج بالسر قال لا وحلف لي
قلت له وضعك مو طبيعي
وين تودي حاجتك الطبيعيه ..شلون تتصرف
قال ولا شي دام عقليتك بذا الشكل الله يعينك على نفسك
يبغى يشككني ف نفسي ويحسب اني بسكت باعذاره ذي


الي تقول ع النظافه الشخصيه ..
مهتمه بنفسي وبنظافتي ولاقد نمت الا بعد مااتروش وافرش اسناني غير البخور والعطور الي ع ذوقه ..
احيانا اتروش باليوم ثلاث لخمس مرات
انسلخ جلدي من الصوابين والمويا قلت يمكن يبعد مني عشان شي يشمه فيني بس بدون فايده

ما راح اقول جربي
ولكن اقطعي عهد على نفسك سنه كامله ماتكلمينه على ذا الموضوع
ولكن في هالسنه راح يكون لجوئك لله سبحانه
يومك امليه طاعات وعبادات جلسات ذكر
يوميا قرأة سورة البقره
الرقيه الشرعيه مفيده جدا حافظي عليها
صومي
خلي ايامك كلها لله
واذا التفت لك لا تعلقين قلبك بزوجك
علقي قلبك بالله سبحانه
ولا تشتكين لأحد اشتكي لله سبحانه
شوفي مقاطع تحثك او تشجعك على اذكار فضل الاستغفار
او فضل ذكر التوحيد
راح تتحمسين اكثر للطاعه
واحرصي ان تبعدين المعاصي عن بيتك
الحين الصاحب تلفزيون والجوال
شوفي انتي وش تحطين فيه واستبدليه بالخير
حافظي على صلواتك وزيدي عليها السنن
والوتر والضحى
وعليك بالدعاء
وسورة البقره وسورة يوسف وسورة مريم وسورة يس
تعاهديها
وطبعها سورة الكهف كل جمعه
احرصي على الطاعات
احنا خلقنا لعبادة الله مو عبادة زوج
اتركيه وهو بعد الرقيه ستلاحظين الفرق
والله يحنن قلبه عليك