وش اعمل مع اخوي مقاطع امي و انا من سنيين .

السلام عليكم بنات ، تكفون ممكن تساعدوني باي فكرة وكيف اتصرف والله خلاااص انا ما عاد اقدر اتحمل ، عندنا مشكلة من سنين معاخوي وما نعرف كيف نحلها و خلاص انا تعبت .
أخوي شقيقي الوحيد أصغر مني مقاطع أمي وأنا و جدتي وخوالي ما يكلمنا من سنة 2002 وبدت المشاكل لما امي تزوجت بعد عامين منوفاة ابوي الله يرحمه،انا ساندت امي وشجعتها ، هي صغيرة و هذا حقها وحلال ، وانا كنت تزوجت قبلها بشهور و انتقلت لبيت ثاني و فيكل الاحوال ما من حقي انا و اخوي نقرر ليها ايش تعمل . اخوي كان عمره 14 سنة و كان متضايق من زواج امي ، بس ما على كيفه واميقالت له رضيت او ما رضيت بتزوج ، و هو عنيد وما يشوف غير رأيه ، وبعد امي تزوجت صار ما يكلمها و يحرج عمي زوجها و ما يرد عليه ،و في يوم اخوي رجع البيت متاخر جدا وما كنا نعرف وين راح ، انا وأمي و جدتي كنا موجودين ، وامي سالته ليش تأخر و ما رد عليها وزوج امي حاول يتدخل ويساله لكن اخوي قاله هذا بيتي مو بيتك و انا اطلع و ارجع على بيتي بكيفي و لا تتدخل في شي ما بخصك ،وزوج امي ضربه على وجهه كف و اخوي رد عليه وضربه الكف وتفل بوجهه و اتهاوش معاه واخوي اتعور في راسه و الحمد لله ان خاليجاء في الوقت المناسب وقدر يباعدهم بس اخوي اتصل على الشرطة وبعدها أخذوه للمستشفى بالأسعاف لانه نزف دم كثير ، والمشكلةصارت اكبر ، وكانت أمي وجدتي وانا غلطنا و كذبنا في حق اخوي و قلنا انه هو الأعتدى في الأول ، انا كنت متضايقة من طريقة تعامله معامي، و امي كانت مقهورة منه لانه ما يكلمها ولا يرد عليها ابدا . و الشرطة اتصلوا بعمي و وصل ثاني يوم و المشكلة صارت أكبر . و تدخلناس كثيرين ، و اتقسمت تركة ابوي و بعنا البيت ، وحق اخوي صار في وصاية عمي ، و اخر مرة انا كنت شفت فيها اخوي لما اخذوهللمستشفى ، من يومها و في كل هذه السنين انا ما قابلته ابدا ورافض يقابلني . ولما دريت انه سافر يدرس كنت أسال عمي و يطمني عنه . ومرة حاولت اتصل عليه في العيد وابغى أعتذر اني كذبت في حقه ورد علي بكلام قبيح و حذرني اعاود اتصل عليه مرة ثانية . و كانت اميطول هذه السنين تقول ما راح تسأل عنه و ما تريد تعرف عنه شي .حتى عمي حاول معاه انه خلاص ينسى مشاكل زمان و تنتهي هذهالخصومة بس هو رافض ، مع الزمن اتعودنا انه خلاص ما عاد في رجعة ، و هو اختار حياته و طريقه و الحمد لله انه اهتم بنفسه زين ونجح والحين هو دكتور و استاذ في جامعة وعنده مكتب خاص وملتهي بحياته و تزوج و عنده ثلاثة اولاد .
قبل سنتين اخواني اولاد امي اثنين ماتوا في حادث الله يرحمهم ، وامي الله يكون بعونها ويصبرها مرضت بعد وفاتهم و صارت تسأل كثيرعن أخوي شقيقي و تبي تكلمه بس هو على رايه ما تغير . وخاطرت في فترة انتشار الوباء وسافرت لعنده ومعها خالي و اختي الصغيرةتبي تشوفه و تشوف اولاده ، بس هو طردهم من بيته و اتصل على الشرطة و قال لأمي انت و زوجك وبناتك وكل اهلك تاكلون تبن ، وكلامكثير كله إهانة و سب ، والله امي قربت تطيح فيها .
و انا مشكلتي الان امي تطلب مني اوصل لحل مع اخوي و تبغى اكلم عمي واهل ابوي يناصحوه او حتى يتدخل ناس و يكلموه ، و اميتتعب و حالتها النفسية تتدهور لما نقولها انو ما عاد ينفع و انه يرفض يسمع اي كلمة. ومشكلتي الان زادت لاني سافرت مع اولادي وزوجيلنفس البلد المقيم فيها اخوي ، زوجي اخذ ترقية في عمله و نقلوه لهذه البلد لمهمة و لفترة محددة ، و أمي صارت تطلب مني يوميا الا اروحاقابله ، و زوجي مانعني لان وظيفته حساسة ويخاف ان اخوي يسبب لنا اي مشكلة . وحاولنا نفهمها هذا بس تقول لا احاول ، طيب وشاسوي انا ؟ مرات اقولها رحت عنده بس ردني و تقول تروحين مرة ثانية ، ما اعرف ايش اعمل ، اكذب عليها و اعطيها امل مو موجود اصلا.