تحسين بنقص وخيبة ولا الوضع عندك easy

ايوة و لو يصيرون عيالي شيبان و لا يفقهون بالحياة شي و لا تعلموا شي راح اكون راضية تمام الرضى ولا بحس بنقص ابدا .. يختي عيالي و انا حرة فيهم وش حارق رزك 😅😅..
للاسف اول مرة ارد على عضوة بهذا الاستهزاء .. هل تشوفين انك تستاهلين هالموضع اللي وضعتي نفسك فيه .. المشكلة انك تكتبين موضوع و تختفين .. و الارجح والله اعلم انك تستمعين باستفزاز العضوات و هذا اذا دل على شي يدل على خلل في نفسك نسال الله السلامة و العافية ..

بداية نسأل الله الهداية والصلاح والتوفيق لنا ولأبنائنا وجميع أحبابنا وأن يفتح علينا فتوح العارفين العاملين بما يعلمون قبل أن يُعلّموا الآخرين ... ويا عزيزتي أحسب أن الجميع يتفق أن تعميمك في مشاهداتك لما حولك غير صحيح وفيه مبالغة تجعلك تُسيئين للغير من حيث تريدين أن تُحسني لهم وتُصلحين! ...كما أن مقارنتك هذه غير عادلة باعتبار تغير الزمان بل من عدل الله ولطفه وكرمه علينا وكراماته لنا أن جعل أجر من يعمل في الأزمان المتأخرة أعمالًا كان يعملها الصحابة رضوان الله عليهم بأجر "خمسين" منهم كما ذكر في الأثر في حديث : " إن من ورائكم أيام الصبر ، للمتمسك فيهن يومئذ بما أنتم عليه أجر خمسين منكم . قالوا : يا نبي الله أو منهم ؟ قال : بل منكم" ... وكثير من الناس فيهم الخير ويعملون أعمال بر وخير وإحسان ويحفظون القرآن ومتمسكين بأعمال كثيرة كان يعملها الصحابة رضوان الله عليهم وأجرها أكبر من أجر من عمل مثلها من الصحابة وذلك لقلة الصابر والناصر في الأزمان المتأخرة وضعف المعين وانتشار الفتنة والبلاء في الدين مقارنة بزمانهم وهم بصحبة النبي عليه الصلاة والسلام وعلى آله وصحبه أجمعين...


وأشكرك على موضوعك الذي صار ثمرة يانعة بهذه المقارنة التي جعلتنا نفرح بمضاعفة الأجر على الصبر وأعمال الخير في زمننا هذا وتحثنا للاستزادة من أعمال الخير والبر النافعة...❤🌹


وكما قيل:

فتشبهوا إن لم تكونوا مثلهم ... إن التشبه بالصالحين فلاح


ومع صوت آذان الفجر عندنا اسأل الله أن يهدينا ويُصلحنا ويرزقنا وإياكِ وجميع من نحب التشبه بهم في عملٍ وفي خُلقٍ على شريعة خير الخلق مُعتقدًا وخُلقًا ونسمو بذلك في العالمين علوًا وألقًا...🤍🤲🏻

انتي أكبر مشكله ماتشوفين الخير وتشوفين الشر
أذا اصلاً مو رجال قاعد يسرح بيننا ماشاءالله ، أعقب🤭 ويتدخل بشؤون الحريم

الله يهديك ما ادري انتي تطقطقي ولا ايش وضعك بالضبط
او حتى كم عمرك عشان نعذرك
انشغلي بطاعة ربك وخليك من فلانة وعلانه احسن لك من انك تتبعي عوراتهم وزلاتهم حياتك راحت هباء بمراقبة غيرك
واذا انتي فعلا كذا
الله يعين اللي حواليك ...لأنك شخص بلا اخلاق مع احترامي لك ماحد سلم منك بالموقع كيف بالواقع

السؤال الصحيح ليش تبيني احس بالنقص والخيبه ؟
ما فهمت ايش هي العلاقه بين استشهاد صحابي او جندي وبين الشعور بالنقص ؟
الله خلقنا وجعل فينا التنوع والاختلاف الطبيب والمعلم والجندي والنجار والسباك والخباز و ... الخ
كل فرد فيهم وفينا يقوم بدوره في هذي الحياة
وكل هذول الناس بإختلافهم وتنوعهم يكملون بعض ويخدمون بعض ويتشاركون في بناء وتطور هذي الحياة
اذا انتي تشوفين نفسك او اطفالك او اهلك بلا فائدة لانهم ما استشهدوا في الحروب فهذا شي راجع لك وربما نظرتك هذي تكون دلاله على وجود خلل معين في داخلك يحتاج منك وقفة جادة لمراجعته واصلاحه سواء افكار او معتقدات مغلوطه
لازم تتقبلين الواقع بما فيه من تطور وتواكبينه وتكونين جزء منه بدال صراعك معاه ورفضه
الله يجزاهم خير العلماء والمفكرين والمثقفين والمخترعين اللي ساهموا في كل هذا التطور اللي نعيشه لولا وجودهم ماكان شفناك فاتحه موضوع تكتبين عن شعور النقص لان الرجال ما استشهدوا !
هم اللي اخترعوا الاجهزة والانترنت والمواقع والتطبيقات والكهرباء والسيارات والطيارات وخلوك بضغطة زر تطلبين اللي تبينه يوصلك لباب بيتك وبضغطة زر تقولين رأيك لمئات من البشر