مشكلة غريبة!

شوفي حبيبتي ترى مافيك شيء لاتوسوسين
انا كنت زيك ماسمع المحاضرات واقول يمكن فيني شيء
بعدين صرت اجلس اول مقعد في وجه الشاشة مع الدوافير😂
صرت اسمع زين لان في دكاترة صوتهم ماينسمع كأنه يتكلم مع نفسه .. حتى دكتورات بعد فيه منهم صوتها ماينسمع مع أنه قدامك تشرح بس مدري كيف
والتركيز بعد انا ماعندي لو مااكتب متذكر شيء ولا أفهم 😂💔 ويمكن داخلة مجال ماتحبينه وكذا فصعب الوحدة تندمج
وفي سماعات تجي للي سمعهم ضعيف اشوف ناس تستخدمها عادي
ويمكن لان تعودتي ع الصوت العالي انا مرة تنزعج من الضوضاء تجيني عصبية من الأصوات العالية

يا حلوك 🤍
يا عيوني انا دايمًا اجلس اول مقعد ، ولكِ ان تتخيلي اني ازعجت صاحبتي كل شوي اسألها ايش قاعد يقول الدكتور ؟ ودّي اعتمد على نفسي صراحه ،
وبالعكس الجميع صوته مسموع بس مو واضح مهما حاولت اركّز واندمج فيه الاقيني القط كلمه كلمتين والباقي بالهواء ، بس بعض الدكتورات صوتها عالي ونبرتها عاليه فعادي يوضح لي كلامها الحمدلله ، شكرًا يا حلوتي🤍

من ناحية التشتت صحيح اتشتت ، لكن اقنع نفسي ان وقت المحاضرة ممنوع اتشتت لازم اركّز ومهما ركزت مافي فايده،
من ناحية التفكير الحمدلله ما افكر كثير

سجلي المحاضرات بالجوال ريكورد اذا عادي عندكم بعد ما تروحي البيت اسمعيها

تأكدي من سلامة جسمك اولا افحصي السمع والفيتامينات
الاحتمالات الاخرى
نفس ماقلتي اهلك اصواتهم عاليه فاعتدتي علي مستوى معين للصوت
وقلة الاختلاط بالناس ايضا تسبب عدم التركيز بموضوعاتهم المتداوله ما تستوعبينها لان افكارك مختلفه وبعيده تماما
وممكن تكوني شاغل بالك امر شخصي
اما الصوت في الجامعه تحديدا الكلاس كبير يرجع صدى
والصوت بالميكروفون او السماعه ما يكون واضح عموما
واخر احتمال تكون اللي تتكلم سريعه بنطقها وكلماتها متتاليه فماطلبي منها التأني ووقت سؤالك اتركي اي شغله بايدك و شوفيها وانصتي