اتمنى موضوعي يرفع لأني احس اني مو بخير

الله يفرج همك وهمنا وهمك كل مؤمن ومؤمنه يااارب عاجل غير اجل يارب ياكريم

كلام كل الإخوان صح انت مركزه على الزواج وكأنه هو سبب السعاده الأبديه
طيب انت معك حق الزواج انك تفكرين في الزواج
يمكن الزواج لك شر مو خير
يمكن يطلع راعي حريم وسهرات
يمكن يطلع مدمن مخدرات و شكاك
يمكن يطلع دمع ثقيل ونكدي ويكره الحياه
ويخليك تتمنين العزوبيه عن الزواج
الإنسان الطبيعي يفكر ويشوف كل تأخيره وفيها خيره
مو كل شي منه عنك انه شر
بعضهم تتزوج و ترزق باطفال ذوي احتياجات تعيش في الم وحزن انه طفلها مو طبيعي وكامل غير تعب ومسؤوليه ذوي الاحتياجات وغير الأمراض
لو تشوفين بعض هموم المتزوجات والله لتسجدين لله شكر في النعمه الي انت فيها
اذا الله كاتب لك الزواج بتتزوجين ولو مو مكتوب ما راح يصير

صح نعمه المال.. والوظيفه وهالأمور..
بس أمور تعتبر عندي ثانويه.

بل الخير كله في الزواج.......

وشعورك بمحله مافيه مثل الزواج حتي لومامعك شي من هالامور والرفاهيات..

وسعي صدرك وبأذن الله يجيك نصيبك

عليكم السلام ورحمة الله وبركاته
حالتك كثير الآن أسمعها اعتقد بسبب كورونا غيرت كثير عادات وتعبت نفسيتنا من تقلبات العادات والظروف الحاليه ومواجهتها فتحسين ان كل شي صار تافه ومالك خلق او حماس إنك تسوي شغله حتى لو كانت بسيطه أو تفرحين ووسائل التواصل أخبار سيئه وتغيرات في الاحداث مُفاجأة فمالنا غير التقرب الى الله والتوكل على الله في السراء والضراء
وحاولي تكوني لك صداقات ايجابيه يفرحون لك اذا انجزتي ويساعدونك في وقت الضيق ويقتلون الملل والروتين
الأمر الثاني فُكي تعلقك بالزواج ولا تفكري بتفكير زايد فيه ومثل ماقالوا الاخوات انتي ادعي وتوكلي على الله وانسي السالفه وعيشي حياتك ووكلي أمرك كله لله بإيمان ويقين
والله يسعدك ويوفقك