تعالو انصحوني 😔

وعليكم السلام ...
وش غاية زوجك من إقتراحه لروحتك .. مآخذ بخاطره وعقوبة لتصرفاتك و المشكلة بينكم لازالت قائمة؟
او تصالحتوا وطلبه جاي من إحساسه فيك وبنفسيتك وحاب ترتاحي؟
ان كان الأولى فأنا أقلك لاتطلعي بالعكس الفجوة بينكم حتكبر اكثر
بإمكانك ماتحتكي فيه داخل بيتك ،، لحد ماتروقي وتهدون كلكم ...
وان كان تصالحتوا ولو مصالحة ع الماشي وروحتك عشان نفسيتك،،، فبالعكس روحي
انتي محتاجة تغيري جو ...

رفع

المشاكل الي بينك وبين زوجك تصير بكل بيت
ووارده جدًااااا وأعتبرها طبيعيه ولا نبيك تتعمقين في الشرح لأنها من خصوصياتك الي نحترمها.


لكننننن يا شروق يطلب منك تروحين لأهلك وترفضين بحجة أبوه من يطبخله!؟
تنكرين ذاتك وحقك في الراحه والتفكير والبعد عن مصدر القلق بشكل مؤقت عشان تفكرين بهدوء وتجمعين شتات نفسك عشان من يطلخ لأبوه؟
وضع طبيعي ونفسيه جميله وزوج متفهم ونفس راضيه نقولك عادي
لكن ليش تضغطين على نفسك وتحملين نفسك فوق طاقتها؟
ترى مابيقول شكرا ياشروق فضلتي ابوي على راحتك
ولا بيقول ما أعظم هذه الزوجه المخلصه
ولا بيبان في عينه الي سويتيه
بيقول ماتبي تروح لأهلها لأنها عارفه انها غلطانه ولأنها ماتقدر تبعد عني وحيزيد عليك جرعات النكد.
روحي وارتاحي وشوفي أهلك وفكري بحياتك وارجعي لبيتك وانت عارفه وين تحطين رجلك.
أما أبو زوجك مارح يموت جوع صدقيني.

صحيح..تجاوبت معاه لسنوات لاني ماكنت اعرف انو نرجسي للاسف..كل هالتعقيدات في الحياة كنت اقول ممكن من التربية والبيئة الي طلع قيها..
حتى انتقاداته الدائمة ولعبة قلب الطاولة وارجاع كل شي.ء لصالحه واني انا المخطئة داائماا كنت اصدقه حتى وصلت لمرحلة فقدت الثقة في نفسي.

لكن قبل سنة تقريبا مع كثرة البحث اكتشفت انو انسان نرجسي متسلط..

وحمدت الله انني لم اصاب بمرض نفسي او عقلي بسببه..
لانه صعب التعامل مع شخص نرجسي وانت لاتعرف شيئا عن نرجسيته..
من ذاك الوقت وانا اجتهد في التعامل معه..
واطبق كل ماأقرأه واسمعه من الاستشاريين من تجاهل وعدم الجدال والتبرير ورجعت ثقتي بنفسي نوعا ما..
لكن اكتشفت انو كلما شافني اقوى كلما حاول يحطمني ..

كيف راح يخف من الانانية والعنترية ياعواطف وهو انسان يشوف راحته في برجه اكبر من كل شيء..
حتى اطفاله يقول انا الي جبتهم للدنيا لازم يخدموني ..
انسان مريض..
للاسف وبحثث كثيير ولقيت ليس هناك علاج للنرجسية..
الله يرحم حالنا بس
مشكورة عواطف على ردك واهتمامك

سارة احمد شكرا اختي على الدعاء..


اختي فيث
4اشهر مايبيني امشي عند اهلي وضاغط علي بكل وسائله..
تخوييف من كورونا..تخويف من اقارب لنا جنب امي دائما يتهمهم انهم من اصحاب السحر ووو...
يعني ذهابي عند اهلي صار كاابوس حسبي الله عليه..
متى ماقلت اشتقت لاهلي ابي اروح تطلع شياطنه ويبدأ بالكلام الي ماله داعي انتي ماتشوفين الوباء وعندك طفل رضيع ووووو...
بس امس لما عرض علي اروح اهلي..كان في ساعة غضب ومايبي يشوف احد ..قال خوذي اولادك وروحي.

انا ف ساعتها رفضت لانو كما ذكرت اهلي ماادخلهم ف مشاكلي ..
يوم راح ادخلهم في مشاكلي.راح تكون النهااية يعني يوم الطلاق..
لهذا رفضت اروح وانا معصبة ووجهي باين عليه البكاء..

كنت مترددة امس.رغم اني افكر بابوه..
لكن اليوم خلاص هوّن وماقال شيء..لانو اصلا مايقدر يقوم بمسؤولية ابوه..وامه موصياه وموصياني عليه..
للعلم حماتي مسافرة برا اابلد ومو عارفين متى ترجع حسب ضروفها..
يعني ابوه اصبح من مسؤولياتي ..وهذا صراحة مازاد الضغط علي...
لاني يالاه اتحمل مسؤوليات بيتي واولادي..
والزوج الي يبيله تعامل خااص..
انضغطت من جميع الجوانب..مافضلت ابوه على امي وابوي..امي وابوي يدرون انو هو الي مانعني منهم.رغم اني مااقول اغلب مشاكلي ..لكن بعضها تظهر غصبا عني ..
بالنسبة لقضية الحسد والعين..للاسف اصبح يستعملها ك شماعة يعلق عليها كل اخطاءه واساءاته وعيوبه...
ويقول انا مريض معيون محسود....انت الي لازم تصبري ....
بكل صدق احس نفسي راح اجن مع هالزوج.
مشكورة اختي علة كل نصاىحك ودعائك..الله ينور طريقك