كيف تختارين الصبغة المناسبة للشيب

كثير منا نعاني من بعض الشعيرات البيضاء ولما نصبغ اي لون مايطول معنا وتطلع الصبغة من الشعر بعد مده قصيره

والطريقة الصحيحة لصبغ الشيب

1-الأكسجين لازم يكون 20 أي 6%
أي رقم غير 6% مثل 9% أو 12% ماراح يثبت لون الصبغة مهما كان لونها حتى لو اشقر
2- لون الصبغة لازم تختارين اللون الطبيعي
الشركات يكون عندها صبغات بألوان طبيعية وألوان مركبه
يعني مثلا اللون البني المتوسط لون طبيعي ممكن يضيفون له لون ثاني ويصير بني رمادي او خمري هنا مايكون طبيعي
الالوان الطبيعيه اللي مكونه من رقم واحد
كيف تعرفين اللون الطبيعي؟ بعض الشركات يكتبون اللون وجنبه حرف N مثل (4N)
وبعض الشركات تكتب الرقم وجنبه صفر مثل (4/0)
3- احيانا يكون الشيب عنيد فنختار له صبغات دبل بقمنت يعني لون قوي او مضاعف
كيف نعرفها نلقى الرقم مكرر مرتين وجنبه صفر الصفر يدل على ان اللون طبيعي مثلا (44/0)
4-كم تخلين الصبغة على شعرك؟ الوقت المناسب 45 دقيقه لا تقل عن ذلك
5-لو كان الشيب شعرات بسيطه أو في مقدمة الشعر وماتبين تصبغين شعرك كله استخدمي فرشة الصبغ ووزعي الصبغه على اماكن الشيب بطريقة الدمج بحيث اذا غسلتي شعرك وكان اللون مختلف عن لون شعرك الطبيعي بهذي الطريقه تتداخل الالوان مع بعضها ويكون مظهر الشعر طبيعي ومو محدد