انا زوجي متزوج ثنتين وانا الثانيه طبعا كان تعامله طبيعي معي وصار لنا متزوجين ٦سنوات لكن السنه الاخيره هذي تغير علي فجأه قل اهتمامه فيني حتى صار يسحب على يومي ويعطيه زوجته الأولى صار يهجرني اسبوعين. إذا جاء يومي جلست انتظره وهو مايجي الا متأخر يكون سهران معها.
طبعا تكلمت معه بكل هدوء قلت له فيني شي موعاجبك قولي اغيره. قال لا واذا سألته ليه تسوي كذا قال انتي تتوهمين أو يسوي نفسه نايم ودايم يتهرب من الجواب زعلت عليه مافيه فايده تكلمت معه مافيه فايده والحين خليته على جوه. حتى إذا نام عندها يجي ويتروش عندي يتعمد الحركه هذي... تعبت معه ماأدري وش اسوي. مع اني صغيره ومهتمه في نفسي وفي عيالي
طول ٦ سنوات قايمه في واجبه وقايمه في امه وابوه واذا جو اخوانه وحريمهم قايمه انا في البيت كله
دايم زوجته الأولى ماتسوي غداه وعشاه ويقول لي سوي دايم الاكل حتى لو كانت ليلتها وأسوي عشانه وملابسه يجيبها وصخه من عندها ويقولي اغسليها وعياله يقولي سوي لهم غدا وعشا واقوله ابشر ماعمري رديت له طلب.. مابيني وبينه مشاكل احاول احافظ على علاقتنا
لاكن الحين تغير علي ماأدري وش اسوي تكفون انصحوني كيف أتعامل معه
شاركي في النقاش
سجلي الدخول لإضافة تعليق.
التعليقات
7- شكل يبيك تهتمي به أكثر ..
ويحاول يثير غيرتك
علشان تدلعينه أكثر
واضح من حركاته الاستفزازية..
الرجل مثل الطفل - يمكن طيبتك الزايدة السبب وماتقولين لا لاي طلب
حتى لو مو ملزومه فيه ..مثل طبخك لعياله وأمهم طيبة
بيجي يوم ويعرف قدرك وقيمتك واتوقع بعد تغيرك عليه . - تغسلين ملابسه الوسخه
وتطبخي لعياله
هههههههههههههه وتسالي ليش
اتركي عنك الطيبه الي تحسبين زوجك بيطير فيك عشانك تقومي
بعياله وباهله لاحبيبتي اصحي على نفسك
الا زوجك بيدعس عليك لا تخدمي احد منتي مجبوره ولا تعطيه وجه
اثقلي عليه اهتمي بنفسك وعيالك فقطططط طوري من نفسك
روحي اطلعي وتمشي خليه هو الي يجري وراك - إنت عكست الآيه
من إلي نشوفه عادة الزوجه الثانيه للدلع و الأولى للأسف للكرف
لكن إلي شافه زوجك أنك تصلحي للكرف
الظاهر الأولى بعد زواجه عليها شالت إيدها منه وصارت ياله نفسي فصار يشوف الدلع عندها
إعرفي حقوقك ودلعي نفسك وقومي بواجباتك بدون ما تضغطي على حالك ولا تتحملي مسؤولية غيرك
وزوجك عامليه بإعتدال لا تهمليه و مو كأنه ٱخر حبه ، مثل ما هو يعطيك نصف حقوقك كزوجه وهذا طبيعي لأنه معدد و إنت قبلتي قومي بنصف الواجب إلي تقومه الزوجه إتجاه الزوج لأن عنده زوجه ثانيه تقوم بالنصف الثاني ريما 511 يمكن طيبتك الزايدة السبب وماتقولين لا لاي طلب حتى لو مو ملزومه فيه ..مثل طبخك لعياله وأمهم طيبة بيجي يوم ويعرف قدرك وقيمتك واتوقع بعد تغيرك عليه .
اكثر اشخاص تتعب في حياتي الناس الطبية
مواضيع مشابهة
تابعي تجارب أخرى من هذا القسم.