: البويضات وحجمها ومدةنزولها : اللي تعرف عنه تدخل

بسم الله الرحمن الرحيم
السلام عليكم ورحمة الله وبركاته

خواتي العزيزات ..
ابغي اجوبة لأسئلتي لو سمحتوا... تراني ما اعرف اجوبتها ويوم اكون عند الدكتورة انسى كللللل شي والله يوم اكون راجعه في السيارة اتذكر وااايد اسأله كنت بسألها.. بس اجهزتها تخوف لوول والله ارتجف عند دكتورة النساء..

المهم خواتي

ابغي اعرف متى البويضة تنزل يعني يخلص التبويض وتطلع برا الجسم ؟؟ هل لها فترة محدده؟؟ او اذا وصلت لحجم معين تنزل؟

ومتى تتلقح؟؟ لازم حجم معين؟ ومكان معين؟ يعني فقط قناة الفالوب لو نزلت منه خلاص ما تتلقح؟؟

ولكم مني كل التحية

وجزاكم الله خير مقدما :)

3 تعليق 932 مشاهدة

شاركي في النقاش

سجلي الدخول لإضافة تعليق.

التعليقات

3
  1. التبويض يخلص لما الغدة النخامية تفرز الهرمونان LH & FSH اللي لهم تأثير مباشر على المبيض

    الهرمونين هذول يساعدون على تكوين البويضة ونضجها وتحريرها في منتصف الدورة الشهرية تقريباً

    والبويضة تكون موجوده في حويصله مع سوائل حتى تكبر وتوصل لحجم من 17 فأكثر

    ثم تنفجر من هالحويصله



    واذا انفجرت من الحويصله اللي قلت لك عليها :)

    تكون صالحه للتلقيح لمدة من 24 الى 48 ساعه ثم تموت بعدها لو ما تلقحت وتسبب حدوث الدورة الشهرية

    وطبعا لازم تتلقح في قناة فالوب

    لانها هي اللي تلتقطها لما تنفجر من حويصلتها وتدفعها للأستقرار للرحم لو تلقحت

    وقناة فالوب فيه شعيرات عشان تدفع البويضة للرحم وتنزرع فيه لو حصل حمل

    واي سؤال ثاني يا قمووووووره اسألي ولا يهمك :26:
  2. @rain_dance

    صاحبة الموضوع
    شكووورة أختي مشاعل نجد .. بارك الله فيج والله افدتيني :)

    أم عبدالله اشكرج على مرورج الطيب :)

    بارك الله فيكم

تابعي تجارب أخرى من هذا القسم.