احترت مع نفسي و خواتي

انا تعبت من نفسي ومن اللي يصير معي . ما أدري هل أنا صح والا هم الصح ؟ ...


انا و اخواتي متزوجات أولاد عمامنا و امهاتهم خالاتنا و امورنا ماشيه ، قبل ٨ شهور تطلقت أختي بإرادتها مع ان حاول زوجها يرجعها مره و مرتين وعشره و حاول يرضيها باللي تبي ، بس هي معنده تقول طاب خاطري و أبعيش حياتي مثل ما أبي ...
طلقها زوجها و بعد مرور ٤ شهور تزوج و بكت اختي و صرخت ليش يتزوج و اللي أخذها من جماعتنا بس بعيد ...
المهم إن اختي المطلقه و باقي خواتي انقلبوا على خالاتي و عماتي و انهم منافقات و كذابات و بناتهم منافقات و ابتعدن كليا عنهن ... و طلبن مني ما ادخل بيوتهن ولا يدخلن بيتي ...
تغيرت نظرتهن ، خالاتي و عماتي و بناتهن هن مالهن ذنب بطلاقها هي اللي اختارت و قررت ...
انا اشوف ان مالهن دخل و علاقتي تكون معهن مثل اول ماتتغير باحترام و تقدير ...
المهم فيه اجتماع لخالاتي كل بعد شهرين مره و انا حابه اروح و هجمن علي خواتي لاتروحين ، ماعندك كرامه ، عشان اختك خليك معها ... وانا ما أحب المشاكل و القطاعه ..
اولها امي قطعت علاقتنا مع الناس القريب و البعيد و الحين خواتي ، مابي اصير مثلهن ابي مع الناس اعيش طبيعيه ...


المشكله مو هنا ... انا ان شاء الله راح اسكن بيت جديد ، وراح نسوي عشاء باستراحه و طليق اختي اللي هو ولد عمنا و خالتنا اكيد بيجي و يمكن تجي زوجته .. انا ما ابي اطردها عيب علي اطرد الضيف بالعكس حياها الله مالها ذنب باللي صار كله ، بس اخاف من ردة فعل خواتي و انهم يفشلوني ...


ياربي انا صح استقبلها ولا خطاء ...