صدمتي !!!!

لا ياقلبي خانني التعبير حتى بغيت اعدله بس ماقدرت
اقصد اني اذا دعيت له بالهداية يتغير حاله
لاني من فترة وانا ادعي له

ياجماعه ترا خانني التعبير يوم سالتكم
هل يعتبر انه ظلمنا ام لا
مجرد تساؤل
مو اقصد انه ادعي عليه واتعدى لا لا اعوذ بالله
بالعكس اغلب دعاءي انه الله يغير حالنا للاحسن
وادعي له ان الله يهديه ويصلحه

اكتبي له رسالة بخط واضح واسلوب مختصر ولاتكتبين اسمك فيهاً
قلي يابوي تكفى كفايه رعب كفايه عصبيه اهد شوي حن علينا انت ماتدري الدنيا وش بتسوي فينا
طول بالك علينا وخل نعيش مرتاحين بوجودك
خاف الله فينا يابوي ترانا نحبك لكن مرعوبين منك
اكتبيها بخط يدك وحطيها على مخدته واطلعي من غير مايدري انه انتي عشان لايشخصنها

وعليكم السلام ورحمة الله وبركاته
لا نرجسي ولا بطيخ من التصنيفات اللي هابين فيها الناس ويلصقونها بأي بني آدم ما يعجبهم
الرجال اخلاقه واطباعه سيئه لا اكثر
ومن شب على شيء شاب عليه وواضح انه عاش وتربى كذا يشوف ان الكل عبيد له وتحت تصرفه بس لانه رجال ومثل العسكريه كلمته هي اللي تمشي وهو سي السيد والكبير ابو عنتر ابو عضلات
هذا النوع من العقليات العنتريه سلكي لها واعطيها على جوها واقضي حوائجك ورغباتك بالكتمان
يا ما بيوت رجالهم من اب واخوان على نفس المبدأ المتسلط الغليظ اللي كل شي عندهم بالسلاح وتلقين الام والبنات عايشين عالم آخر وكل شي بالسر والدس لانهم اقتنعوا ان هذا واقع ولازم يتعاملون معاه بذكاء ويتقبلونه بدال ما يتصارعون معاه
اما مسألة الدعاء احنا لو عندنا علم مؤكد كان نفعنا انفسنا واجزمنا وش هي الدعوه اللي تستجاب واذا فلان بيهتدي واذا غيره بيتغير هذي كلها غيبيات علمها عند الله فلا تدققين واعرفي كيف تعيشين حياتك بسلام وتسلكين ولا تجيبين لنفسك الكلام

نعم نعم نعم يتغير لا تستهيني بالدعاء


صديقتي وهي جارتنا أبوها كان عنيد وراسه يابس وما تمشي إلا كلمته وجاف بمشاعره و ما يجلس معهم دائما بغرفته وكانت دائما تدعي أنه يلين و يحن قلبه وهذا إلي صار سبحان الله بدأ يتغير حبه حبه لحد ما إتعدل وصار هو إيدور عليهم