وش الحل مع رجل مدمن عايش معك بالبيت و مو محرمك

خلاص الادمي جالس بقسم الرجال حمامه والمجلس تقفل عليها بالمفتاح ونتهينا ماحد بيكسر الباب ويدخل عليها والاخ طبيعي يوقف مع اخوه وش يسوي يرميه بالشارع يعني

ايوة يرميه اذا اهله رموه يرمي بلاه على الناس ليه

صاحبة الموضوع
روحي بيت اهلك لين يطلع
اهله يتحملوه انتِ مو مكلفة فيه
واهله اذا زعلو بالطقاق
لو فيهم خير يعالجو ولدهم

الله موضوع جارتك صعب جدا جدا حله صعبه يطرد اخوووووه من بيته وصعبه تشتكي عنداهلها لانهم قرايب درجه اولى وعاقولتهم ان رفعتها بالشارب وان نزلتها باللحيه
لكن مالها غير انها تتحمل وتصبر وتحتسب الاجر عندالله وتقفل عانفسها بقسمها
وزوجها يحااااَول يعالج اخووووه لان اذا عالجه ورجع طبيعي راح يستحي عاوجهه ويرجع حرمته ولا يطلع من البيت راح يحس انه ثقل عالناس صح اخووووه بس صعبه يسكن عنده هاذا اذا تعالج اما غير كذا مافيه حل غير الصبر ومثل ماقلت تحتسب الاجر والثواب من الله

حاولي بالحسنى مع أخوه اللي هو زوجك يوديه يتعالج بمراكز علاج الإدمان لمصلحته أولاً ثم لكم
وإذا ما اقتنع اطلبي من زوجك بلطف إنه يجلس في بيت العيلة اللي هو بيت أبوه وأمه لأنه بيته ومن حقه يضفه لما تسكرت في وجهه الأبواب والأخوان يتناوبوا على زيارته و مساعدته.
إذا ما نفعوا هالحلين شوفي وضعك.
إذا كان بيتك يتحمل إنه ينفصل بحيث لو شو ما صار ما يقدر يدخل القسم اللي انتي فيه وأبداً ما بيصير بينكم اختلاط ولا بالصدفة اسمحي لزوجك يقدم هالمعروف لأخوه حتى يعافيه الله أما إذا الوضع بيكون غير شرعي وممكن يدخل عليكم الرجل وهو مو بوعيه لا قدر الله هنا قولي لزوجك بوضوح إنك ما تقبلي هالوضع ولا هو وضع يرضي رب العالمين فإما يتصرف أو تاخذي عيالك وتروحي بيت أهلك حتى يلقى حل بس بهدوء وبدون مشاكل ولا تقولي لأهلك شي كأنك جاية تغيري جو معاهم شوية.
حل أخير في حالة الأوضاع المادية كويسة اقترحي على زوجك يستأجر له غرفة وصالة في مكان قريب منكم بحيث يقدر يروح ويجي عليه أكثر من مرة باليوم ويضمن لكم خصوصيتكم وأمانكم بنفس الوقت ولو ما يقدر يخلي أخوانه يساعدوه.
آخر الحلول في حال فشلت كل الحلول السابقة إنك تكلمي أخوك أو أبوك حسب أكثرهم حكمة يكلم زوجك بالدين والعقل والمروءة إنه وجود أخوه في بيته في وجود زوجته غلط بغض النظر عن كونه مدمن.
وآخر شي أوصيك بالحلم والهدوء في التعامل ولا تجرحي زوجك بأي كلمة أو تلميح لأن المعايرة ما تنسى