وش الحل معه يبي ياكل غدا وعشاء

هو صدق مغثة لان عانيت من هالشيء
لكن ترى انت بعد بتاكلي يعني
انا وحدة بعد تعودت اهلي هم يطبخون واحيانا يطلبون من برا انا اطبخ بيتنا كل جمعة بدل امي وباقي الايام خاربة خاربة مالت على الزواج 😊
والحين اكرف في المطبخ كان الاكل عندي اخر تفاكيري واهتماماتي بس هذا هم أهل زوجي عندهم الاكل أساس الحياة ونسمته😂
سوي كل شيء بسيط لاتكلفي ع نفسك رز ابيض وحمسة بصل مع زبيب أو جزر أو رشي شوي زعفران مع ماي ورد وعندك قدر الضغط للودام..وحمريه في القلاية.
كل شيء ابسط شيء مع أن مافي شيء سهل في المطبخ 🙄
سوي كميات كبيرة وخزني في الثلاجة والفريز محد فاضي والله يكرف كل يوم.

طبيعي الانسان يتغدا ويتعشا
بس كل واحد له طبيعته فيه ناس يحبون يثقلون

وش فيه كويس كذا هذا الصحيح ترا
مب شرط السمنه مشروطة بالاكل
فطور غدا عشاء
اهلك غير وهو غير كلن وبيئته ترا
بيت اهلك انسي نظامه حبيبتي خلاص تزوجتي مسؤوله عن شخص وبكرا بيجيك اطفال بعد بيحتاجون وجبات وكل طفل يختلف وش بتسوين ساعتها
عموما اطبخي مره وحده حق الغدا والعشاء جميع اسهل لك
ودوري وصفات سهله وسريعه
وحلو مافيه فطور بعد كان وش بتسوين
هو صعب لان ماتعودتي
انتي مب شرط تاكلين اذا خايفه تسمنين اطبخي له وبس
طبختي امشي بعدها
وفيه ناس تجوع ترا لو اكلت كذا وجبه الحرق اسرع
وكذا الرجال يطلعون ويمشون ويشتغلون فايجوعون
وجبه وحده مب شيء طبيعي ترا طول اليوم بوجبه صعبه
حتى لو بيض وتوست وكم خياره وزيتون وخس يكفي مب شرط دسم
وكويس بيتزا وكذا عشاء دوري مثل ماقلت طبخ سهل

الله يصلح الحال ويعينك

حبيبتي نظام زوجك طبيعي زي كل البيوت والرجال يتعب بالدوام والشغل يجي هلكان يبي اكل ونظام زوجك واهله غير نظام اهلك اكيد انتي ببيتك مو ببيت اهلك لازم تتعودين كذا واذا خايفه من السمنه لاتكثرين