تكفون يابنات ادخلوا وقولو لي انا ظلمته ولا هو ظلمني

بالعكس قرارك صح
ودام ماعندك منه اطفال
واهلك مرحبين بوحودك
انتي ماظلمتيه هو اللي ظلمك وظلم نفسه
الله يعوضك بالافضل
ويكتب اجرك على صبرك

ذيل الكلب عمره مايتعدل
زوجك مو حق مسئولية
اذا اهله عجزه منه
بتجي انتي يازوجتن تتحمليه
الادمي مايبغى يتلحلح ويشتغل
والا اللي هامه زوجته ويبغى بيت ويستقر بيلقى الف وظيفة
اقلها كاشير
والا حتى يشتغل كداد
لكن هو عاجبته الصرمحة والسدحة
ولاحاول حتى انه يجي يراضيك او يوعدك انه يغير من حاله
الا بكل بجاحة يقول ترجع مهري
ترجع ايه ياحبيب امك
ماترجعيله ريال واحد
اطلبي فسخ نكاح وقولي للقاضي هاجرني سنتين عند اهلي
من غير مصروف
ولاعنده وظيفة ولا دخل ولا موفرلي بيت
يعني انا ماطلبت الطلاق دلع ولا من قليل
ادمي مو موفرلي ادنى اسباب العيشة الكريمة
وانا وحدة صبرت عليه سنة واثنين وخمسة
ومافاد
ماعندي امكانية اصبر اكثر
وارجعله واتورط بعيال
يصير فوق الهم همين
وانتي استخيري اكثر في الطلاق
وربي يعوضك ويرزقك بغيره

المشكله انا مو موظفه ولا عندي قدره وابوي ع قده يالله يقدر يمشي متطلبات الحياة وعندي مبلغ واللي اني تعبت عليه واشتغلت في البخور والعطور مع اهلي وقرايبي وجمعت كم قرش واحس مايستاهل اني على صبري وهو اللي قصر معي واجي اعطيه تعبي اللي جمعته بسبب تقصيره معي 🥺

ابدا ما ترجعييين المهر
دام انه هاجرك سنتين!!
انت مو طالبه خلع من الباب للطاقه انت تتكلمي عن شخص مو موفر اي شيء لك وفوقها هجر
ويعد ذا كله بيلهف تعبك الحين

لاترجعينه نهائيا
انتبهي تعطينه قرش
مايستاهل
ماطلبتي شي صعب كلها ورقه يرسلها وانتهينا
واظلبي تعويض على صبرك عليه سنتين هاجرك وبدون مصروف
اسالي محامي اذا ينفع تطلبين او لا
وطلاقك بيجيك ان شاء الله
الحق معاك مو معاه والله ياخذ حقك عاجلا غير احل