اي وقت انتي فاضيه اقرأي موضوعي محتاجه كلام حلو عشان نفسيتي 🥺

هلا بك عزيزتي
واضح انك متحسسه من الموضوع عشان كذا اي سؤال تعتبرينه جرح لمشاعرك ولا ترى اسألتهم عاديه كون انها تقول ليه ماتزوجتي للحين لانها تشوف اخواتك تزوجو وانتي ماتزوجتي بس لاتظنين ان الناس يشوفونك يقولون ياحرام ماتزوجت لا طبعا لان متاكدين وعارفين انو اكيد جاك خطاب بس انتي رفضتيهم اقل شي لو واحد
خليك من اسألتهم انها تجرح وتحرج بنفس الوقت
غيري فكرتك عن النصيب عشان الاسأله هذي ماتجرحك
هل تتوقعين اي بنت متأخره بعمر الثلاثين ان فيها نقص او عيب؟
مو معنى ان خواتك تزوجوا بدري ان عندك مشكله لا طبعا
خواتك جاهم نصيبهم اللي مكتوب على جبينهم في وقت معلوم وعمر معلوم
وانتي تنتضرين نصيبك بوقت معلوم
وعلى فكره ترى احب ابشرك انها انتهت مشكلتك بزواج اصغر اخت عندك
ليه؟
لان الماس اللي يجون يخطبون اول يختارون يمكن لان العرسان سنهم صغير ويختارون الصغيره او في خواتك جمال والكل منتبه لهالشي
بس خلاص الحين اللي بيجي يطق الباب راح يطقه عشانك انتي وجاي عشانك انتي
وعمرك ترى توه صغير
مو كبير لهالدرجه
وانا ماراح اقولك عيشي حياتك واهتمي بنفسك واحفظي قران
لان هذي اشياء بديهيه المفروض ولا نتعلق بشي بالمستقبل سواء زوج او شهاده او اي شي ثاني
نعيش واقعنا وترضى بما قسمه الله لنا
لان على فكره من شروط الايمان اللي كنا ناخذها بالابتدائي الايمان بالقدر خيره وشره
الانسان اامؤمن بالقدر راضي ويتحرى الاشياء الجميله لان عند رضا وحسن ظن بالله
ماسألتي نفسك ليه ربك اخر زواجك
هل تطنين ان الله ظالم ؟
حاشاه جل في علاه
لكن الله اخر الزواج لحكمه الله يراها وحنا مانراها ربما لانه راح يجيب الافضل او ربما يبك تتقربين منه اكثر او او او
بس انتي ثقي بالله واحسني الظن تفاءلي والقادم احلى
الله يسعدك ويوفقك ويزوجك الرجل الصالح ويسخر لك

ابشرك حتى لو تزوجتي محد بيخليك بحالك ماحملتي محد بيخليك بحالك ولدتي وحملتي كل سنه محد بيخليك بحالك انتي لاتتحسسين متى ماعطيتي الناس شعور الثقه والرضى انو نصيبي ماجاء مو زعلانه لان هذا احتيار الله مو اختياري واقطعي السالفه باابتسامه مليانه ثقه وتصنعيها تعلميها قدام المرايه احفظيها زين . لاترخين اذنك للناس وان شاالله ربي يوفق خواتك ويجعل نصيبك الاكثر جمالا وحضآ ياررب 🤲

شوفي عيني لاتخلي كلام الناس ياثر فيكي وكل واحد وقسمته من الله وربي بيعوضك بنصيب افضل منه باذن الله الحياه مو واقفه ع الزواج وانتي بيجي نصيبك مره عادي عمرك بيجي نصيبك ولا انتي كبيره ولا شي ادري الي يده في النار مو زي الي يده في النار ومحد بيحس بالشعور الا انتي بس صدقيني لاتخلي كلام الناس ياثر فيكي ياما ناس تزوجت وتطلق ومشاكل الزواج مو كل شي في الحياه يمكن ربي مخبي لك قدر افضل من نصيبهم ولا تدعي عشان زواج صدقيني باقي تعتبري صغيره وربي بيسعدك قريب باذن الله بس لاتفكري اكشخي والبسي وانبسطي وعيشي حياتك لنفسك وبيجيكي النصيب وطني كلام الناس الناس حتى لو احد ماشي في حاله ماتركوه في حاله بتتعبي كذا بس حبيبي الله يوفقك وتجي تبشرين قريب ❤️

الناس الي كذا أصلاً هم وقحين !! وماله داعي تتعبين نفسك بالتفكير بكلامهم السخيف

يكفي ان ما عندهم ذكاء اجتماعي ، ولا لباقـة ، ولا رقـي .

ترى حتى المتزوجة الي بعمرك ، تعتبرك مرتاحة البال ، و ما عندك نصف الهموم الي عندها ، من ناحية تعب الاطفال الجسدي و النفسي ومراقبتهم 24 ساعة و تحضير وجباتهم ونظافتهم وو ، واذا كانو كبار دراستهم الخ ، وهم الزوج ، وهم الحمولة ، وهم الخوف من الطلاق

صحيح انها سنة الحياه بس هذي نظرة المتزوجة لكٍ ، لأنها في صميم المسؤوليات بتقول عنك مرتاحة

أما هذي الميكب ارتست فهي ودها تسولف ، و تحكم عالناس ، وتتفلسف ، بدون أي لباقة .. وحتى الطبيبة جداً وقحة ..

وضحت في موضوعي ان محد تقدم لي ابداً