ضغط نفسي

يا جماعة ساعدوني انا في غربة من ست شهور تزوجت وتغربت وما في حدا بعرفو طول الوقت قاعدة في البيت لوحدي وزوجي بالشغل بيروح عالبيت متأخر بينام وهاي هي حالتي 
اول شهر من غربتي ما كنت حاسة بالغربة كنت يا دوب برتاح من السفر وتجهيز البيت
بعدين بلشت احس بزهق بعد الشهر الاول من زواجي
وبلشت عندي اضطراب الهلع والخوف كنت امشي زي الشبح طول الوقت خايفة وحاسة حالي هنجن
وقضيت ٣ شهور رايحة جاية مستشفيات 
ووسواس المرض سيطر عليا
كنت احس دمي بنحرق وما في حدا قادر يساعدني 
كرهت نفسي وكرهت كل شي
فقلت انا ما الي الا الرقية الشرعية وسورة البقرة
وصرت اقرأهم كنت لما اقرأ وأتمعن بالآيات أحس بضيق واني مش قادرة اتنفس وانو هيغمى عليا وداومت صرت ما انام الا أقرأ ولو جزأ من سورة البقرة
تحسنت ولكن كل فترة بترجع الوساوس ونفسيتي بتتدمر ومش قادرة اتحمل بحس كل شي بضغط عليا
خاصة اني تركت دراستي وأهلي وكل هواياتي وأحلامي ووطني اللي كنت ما بفكر حتى اطلع منه خطوة
الحمدلله ع كل حال 
احكولي كيف ممكن اسيطر ع الوساوس او اتخلص منها تعبتني