مرحبا جميلاتي الجميلات
حبيت اسأل و أشوف آراءكم
هل في منتصف الثلاثين أكون كبيرة؟ دائما تراودني أفكار أنه أنا كبيرة على الانجاب مع اني ما انجبت الا طفلين الله يحفظهم ( ادعوا لي ) واحيانا احس اني بحاجة أمي و ابوي وحنانهم علي ( الله يخليهم لي) بعدين أتذكر عمري وأقول ليه أتصرف مثل المراهقات وأنا الآن كبيرة
فيني خوف وقلق مرضي يصاحبها نوبات هلع وماحد يعرف عني و قدام الناس فرفوشة و اضحك واسولف والحين تجيني افكار انا صرت كبيرة في نص الثلاثين المفروض عالجت نفسي وتخلصت من هذي الحالة ( وتراني اسعى في العلاج)
الدورة هذا الشهر طولت معي وجاات كثيرة مرة وغريبة علي من بين الافكار المخيفة الي جتني انه انا كبيرة يمكن تخربطت هرموناتي بسبب كبر سني !!
السؤال الي ابغى إجابة عليه هل أنا فعلا كبيرة بهذا القدر والا أفكاري وسواسية لأني أعاني من قلق مرضي ؟! بالضبط عمري ٣٥ سنة 🌿
شاركي في النقاش
سجلي الدخول لإضافة تعليق.
التعليقات
36- أنتي الآن بعز شبابك 🤙🤙
بس مافهمت قصدك كبيره على إيش؟
اذا على الدورة وانقطاعها أبدا م انتي كبيره لحتى تنقطع عنك؛ إلا اذا كان بسبب هرمونات او من هالناحية.
أما بخصوص أنك تحسين للان
أنك بحاجه ل امك وابوك وحنانهم. صراحه ماعرف شي وم أقدر اجاوبك - بالعكس احلا سن الثلاثين عز شبابك ويسمى سن الهدوء وكل سن له حلاوته وباقي الدوره مو وقتها تخربط وتنقطع عيشي حياتك ولاتفكري هالافكار معاك وحده توها صاكه ٤٠ 😎ومدلعه نفسي عالاخر 🙂ونصيحه لاتستسلمين للقلق والوساوس راح تتعبين وتمرضين نفسسسسيآ انتبهي
- هذا وساوس فقط
يااختي كثير بالثلاثين لو قروا كلامك بيتضايقون
ترا انا بعمرك قهرني موضوعك بصراحه
احس نفسي صغيره بصراحه باقي. اللي بعمرنا ماتزوجوا عادي يعني
لاتضيعين عمرك وحياتك على وساوس
شوفي اللي برا كيف وقارني
اما بالنسبه للحمل اذا قادره تعالجي واحملي لك كم طفل اذا حابه وتقدرين عليهم من جميع النواحي
اما سالفه امك وابوك طبيعي كلنا بحاجتهم مهما بلغنا من العمر
اتوقع تزوجتي بدري عشان كذا ماامداك تجلسين معهم اكبر وقت ممكن
وبعدين حبي نفسك ودلعيها ولاتقولين لزوجك كذا ترا بتكونين كبيره بنظره دام انتي تقولين عن نفسك كذا
اذا جسمك مليان خففي رياضه اطلعي غيري روتينك وكذا - بالعكس انتي بعز شبابك والعمر قدامك بس انتي افكارك تبي تضيعك اكثري من ذكر الله وتلاوة القران عشان تنزل عليك الطمانينة
- المفترض تكوني راشده بتفكيرك والعمر خذيها قاعده مجرد رقمم اذا والله بتراثبين عمرك عز الله بتوصلين 50 وانتي كانك في السبعين حبي نفسك وعمرك والحمل هذه بارادة الله كم وحده تزوجت في العشرين وتعالج الحمل ولاحملت الا قريب من الارعين او في الاربعين يعني المكتوب ارضي به
مواضيع مشابهة
تابعي تجارب أخرى من هذا القسم.