صارلي سنين وانا اعاني من اللي حولي 💔

السلام عليكم ورحمه الله 
يارب القى عندكم كلام يجبر خاطري ويقويني انا يا اخواتي ملامحي عاديه جداً جداً مو جميله ولا حلوه حتى لو تزينت وحاولت ابرز جمالي مافي فايده اخواتي جميلات كلهم انا اشبه الممثله ليلى عبدالله صديقاتي بالجامعه يشبهوني فيها ويقولون لي ان اخواتك اجمل منك بكثير الشي اللي يحز بخاطري اكثر وتضعف ثقتي اذا احد شافني وشاف اخواتي يقولون اخواتك اجمل منك احس ماله داعي يقولون هذا الكلام حتى امي هي رقم واحد دائماً تتكلم بشكلي تقول والله لو تزينتي ماتطلعين حلوه ارتاحي بس 💔🥺 اساساً والله العظيم محد حطم ثقتي بنفسي وكرهني بشكلي الا امي من يوم كنت صغيره انتي مو حلوه انتي مو حلوه وجهك يجيب المرض لو كان التنمر على شكلي الأن وانا كبيره يمكن كان اخف لاكن من يوم اني صغيره الين الأن وانا عمري 30 سنه احس خلاص قلبي معد يتحمل طيب واذا اخواتي اجمل مني بالله وين المشكله عادي مو جريمه ولا فضيحه انا اللي خلقت نفسي وش اللي خلاني اتكلم الحين الا موقف صارلي امس جات عندنا زوجه خالي واختها وحده معهم من معارفنا ودخلت قالت اخت زوجه خالي والله اني احسبك شغاله سيرلانكيه يوه ماتشبهين اخواتك بعيده عنهم والله العظيم انه هذا اللي صار معي امس