؛؛؛ دعوه من القلب ؛؛؛ياربي ياكريم ياحليم ياعظيم ترزق وتوفق كل من تجبر بخاطري

متابعة النقاش، صفحة 4

شاركي في النقاش

سجلي الدخول لإضافة تعليق.

التعليقات

38
  1. @msk_alabrar

    موضوعك انحل بسرعه وبرضاه ..

    ومب انتو حذفتو كل شي ؟؟

    صراحه زوجك انسان محترم ويغليك وانتي المفروض تشكرين ربك على هذي النعمه

    زين منه ماقعد يطق حنك معاها وانتي ولا انتي داريه عن الدنيا ...احمدي الله وادعي لك وله ...

    ولا تخلينه يندم إنه تكلم معاك ترى المره الجايه بيحاسب وبيقول الحين بتدوش راسي ...

    خليني ساكت أحسن ..
  2. @mtaa_alhdyth

    والله لو واحد غير زوجك كان تشقق وتشعبط بالبنت باسنانه واياديه ورجليه حتى لو هو يحب زوجته اجل بنت تحبه وتموت عليه وتجي الين عنده! مييييييييييييييييين من الرجال يرفض هالشي الا ناادرا..

    يعني ماقالك زوجك الا لانه مخلص لك وشاريك ولا يبي غيرك ويبيك تساعدينه وتوقفين معه وبالعكس تزيدين الثقه فيه وقدري هالشي وبينينله اياه بالكلام .. والبالتوك نصيحه مني انسوووه ترا كله بلاوي ببلاوي وماتسمعين منه الا المصايب ان ماجت الحين جت بعدين وزين جت على كذا وزين بعد ان البنت على طول دخلت بالموضوع ماقعدت تجرجر فيه شوي شوي الين تعلقه فيها ووقتها مايقدر يمكن يقولك شي
    _________________________________

    كلام لاعبة تنس صحيح و فيه الزبدة ,
    أهم شي أنك ماتحاصرين زوجك بالشك لأنه بيهرب من ,,,ويييين بيروح ؟؟؟؟؟
    لهاااااااااااااااااااااااااااااااااااااااااااا

    أنتبهي من الشك و المناقر <<<< حطيها حلق بأذنك .
  3. @hloh_obs

    أختي

    من اللي لمسته من موضوعج ان زوجج انسان رقيـــــــــق جداً وطيب وحساس الله يخليكم لبعض ويدوم المحبة

    والرجل على حد قولك ما اخطأ
    اعطيكي مثال
    لو ان واحد يقود سيارة في طريق عام وفجأة جاءت سيارة مسرعة اوشكت ان تصيبه بحادث ولكنه عدل مسار سيارته فلم يتأذى !!
    هل سنقول له لا تسوق السيارة مرة اخرى؟؟!! لانك معرض للحوادث؟؟!!
    لا يا اختي الحوادث في كل مكان لكننا سندعوه للقيادة الحذرة والتركيز

    نفس الشي بالنسبة لمشكلتج
    زوجج ما غلط , الحقيرة هي الغلطانة وهي اللي قطت نفسها بس زوجج ما تاثر بالعكس كان امين وياج وقال لج على كل شي
    فأنتي قولي لزوجج انج مستانسة منه وهالشي زيد ثقتج فيه
    وما انصحج انج تقولين لزوجج ممنوع تدش البالتوك لانه مو ياهل امه تمنعه من شي خصوصا انه رجل واعي
    يعني لا تعطينها اياه (as an order)
    لا اذا هو من نفسه قرر انه ما يدش البالتوك اوكي اما اذا انتي تجبرينه لااااا
    والله يوفق الجميع ان شاء الله
  4. قولي حق ريلج .... اكتب الشعر واطلع ... او اكتب في الجريدة ةاطلع ... اي رسالة توصلك فيها كلام خارج عن الحد الطبيعي ودخلت في الخصوصيات طنشها .... او رد بأدب واطلع ... مثله مثل اي حد ... يعني انا اكتب خواطر واشياء وتجيني ردود ورسايل من شباب ... اللي يتكلم عن الادب والشعر ومستوى الكلمه هذا ارد عليه بالشكر ... واللي يتجاوز حدود الادب ما ارد عليه ...

تابعي تجارب أخرى من هذا القسم.