وش اقول لأبوي💔

السلام عليكم
تعرفون بنات هالأيام تجمعات والكل عند اهله الا انا والله ماضغطت عليه عشان مادته ضعيفه وقال السفريه يبيلها شغله وبنزين مع ان تبعد ديرتنا عن جده خمس او اربع ساعات بس قال اصبري للراتب والراتب بعيد وانا صارلي اكثر من سنه لاسافرت ولارحت ولاجيت
قبل فتره قال زوجي اذا طفشانه مو مشكله تسافرين مع ابوك لما قالها كان واثق ان ابوي ماراح ياخذني معاه من المشاكل الي صارت زمان وان ابوي كان شديد ومايحب اطول عندهم انا تقبلت هالشي عادي وصرت اذا جو الديره اروحلهم بالساعات وارجع بيتي ثاني العيد جاني ابوي وعايد علينا انا وبنتي اما ولدي كان مع ابوه ولما عرف زوجي ان ابوي موجود ماجا تخيلو طنش ولايرسله حتى رسالة معايده على الواتس عشان مشاكل جت بينهم قبل وانحلت بس زوجي مانسي ابدد وقال مستحيل احتك ف ابوك ذا ويحرضني عليه يقول اصلا زمان كان يتصل علي ويقول لاعد تخلي فلانه تطول عندنا بس انا ماقلتلك عشان لاتزعلين قلت عادي انت اول كنت تخليني عندهم بالشهور وتسافر ولاتسأل فيني
المهم قلت ليه مااكلم ابوي اذا سافر ياخذني معاه وكلمته وانا كنت متردده انه يقول لا وتخيلو قالي والله العظيم اني مشيت وليش ماقلتي من قبل انك تبين تسافرين معي كان انتظرتك واذا مو مصدقه بصورلك اني على الخط اللحين قلت لا والله مايحتاج مصدقتك وعادي مع الراتب بنجي ان شاء الله
لما وصل عند امي حزن علي وقال ياليتها كلمتني من البدايه واخذتها والله ماكنت ادري 💔 قمت من الفرحه قلت لزوجي ابوي كان بياخذنا معاه بس قد سافر قال ابوك يضحك عليك موجود هنا مامشى والله يابنات قهرني ودقيت على امي قالت وصل عندهم شككني يكذب ويقول شفته
عاد ابوي جا الديره اللحين ويبي ياخذني معاه اغير جو كنت اغسل ملابسنا واجهز اغراضي شافني زوجي وزعل قال والله ماتسافرين الا معي قلت طيب وابوي الي تعنا وجا عشاني قال مو عشانك هو دايم يجي 😞
وامي ياعمري فرحانه قالت ابوك سافر جهزي اغراضك وكلميه ياخذك معاه
وماعد ادري وش اسوي 💔💔
حتى قبل امس قلت ودني بيت اهل جدي ماعايدت عليه والله يابنات بهذلني وخلاني ابكي هذاك اليوم يطلع مشاكل من اتفه الاسباب ويكبرها ولما جا بياخذني من كثر مااستعجل خلاني البس الكعب ومااقفله من ورى ويقولي اركب السياره بسرعه ومكاني فيه خبز ! سلامات قلت مريض انت تجلسني على النعمه عشان تستعجل قال انا اكره عايلتكم بكبرها ولاعد بوديك عندهم وربي مريض جنني