أبي مشورتكن يا بنات حواء 👩🏻‍❤️‍👩🏻

الســـــــــــلام عليكـــــــــــم
صبـــــــــــــاح الخير ..... أبي مشورتكم لختـــــي ماعندي بعد الله غيركن 😢جزاكم الله خير 💚
أختي متزوجه رجل متزوج من 10 سنوات وعندها أطفال
بدابة زواجها كانت مرتاحة مع انها تسمع دق وكلام بس هي مكبره راسها يعني مهم كان هي أخذ رجل متزوج وهذا شيء طبيعي
و أختي والله يابنات بحاااااالة مره ولا هي راعية مشاكل ولا هي من النوع اللي تسحب الرجال من أهله و زوجته ## من تزوجته قالت انا بس ابي ذريه 😢
المهم
زوجته الأول فاهمته وعارفته زين ماهي مثل أختــي
وبسببها أختي تدخل بمشاكل بطريقه ي بنات تخرع يعني بالأخير أختــي تطلع الغلطانة 😒😒😒😒وهي الشيخه
زاااادت المشاكل بينهم ومن أهم المشاكل يبــي أختي تواجبهم بالأكل وهم 13 شخص وأختي 4 أشخاص بالله عليكم هي غلطانه يوم أرفضت وش تطبخ لتطبخ عائلة كبيره وإذا راح لزوجته أم 13 قالت أبشر هي ذكيه ماهي متعبه نفسه تغرف من غداها اللي تسويه وعندها بنات كبيرات يساعدونها وأختي اللي عندها أكبر طفل في 1 ابتدائي
ومن شهر 6 هجري هو ينام لوحده بالمجلس ويقفل ع نفسه بالمجلس ولا يجي غرفتها غير مره بشهر أو أقل بعد ع حسب كلام أختي
هو يقول لها شيلي عفشك واتصل ع اهلك ويخوفها بالكلام.... وهي ي عمري صااابره عشان عيالها

وجت الاجازة قال لها خوذي شنطة كبيره وكثري الملابس وأخذت ملابسها و سافروا
قبل تنزل من السيارة كان يعرفها
من بعد من نزلت من السيارة وهو يسوي بها زعله وما كانه يعرفها وما يتصل عليها ولا شيء وإذا اضطر يتصل يكلم أمي عشان أغراض عياله بس ...

والحين يقول ما ترجع معي غير يوم تتصل عليه وتقول انا موافقه ع طلباتك وما تقول لي لا

وإذا ما أتصلت اخليها كم شهر الين يطيح اللي في راسها ومصروفها يمشي لهاا ولعيالها


والله يا بنات اني في هم ما يعلم به غير الله عاد وشلون أختي...
مدري وش نسوي أتصال مستحيل تتصل وهذا رايها
مدري وش مقصده من هالحركات هل هو يبيها هي تطلب الطلاق عشان يسقط حقها ؟؟
ولا هو صادق بس يبيها تطيعه ؟مع اني اشك !!

وش رايكم بنات دلوني أنصحوني وش رايكم
وإذا طلبت الطلاق اللي عندها خلفيها وش تطلب وش الطريقه تطلب محامي اللي تعرف تنصحني


معليش كثرت عليكم الكلاممم بس وربي من حر ما فيني قلبي يتقطع على أختــي

6 تعليق 1,022 مشاهدة

شاركي في النقاش

سجلي الدخول لإضافة تعليق.

التعليقات

6
  1. وتتطلق ليه
    وتستنى يتصل عليها ولا يجي ياخذها ليش
    تروح لبيتها حتى لو بمنطقة ثانية
    وهو اعلى مابخيله يركبه
    تقولخ طبخ مو طابخة ونقطة عالسطر
    لاطلق وقتها جات منه
    وبرضه وقتها تقعد في بيتها
    ولا خلها تكيد لمرته وتطبخ كمية اكل نفس اللي ترسلها زوجته الاولى
    ولا تعملهم اكل ماصخ ولا حار زيا ولا اكل مايحبوه
    مع اني صراحة مو مع هالحل لكن الواضح اختك ماتحب المداحر ة
    كمان مادري ابوك اذا عايش وينه عن هالمهزلة
    ولا اخوانك ولا عمامك
    احد كبير يتكلم مع هالخبل زوجها
    هي ملزومة بيك
    مو بزوجتك والكوكش حقها
  2. @amproaa_alhyaamp

    يجي غرفتها؟
    تطبخ للبيت كامل؟
    يعني اختك وطبينتها ساكنين سوى ؟؟
    اذا كذا هي اللي تتشرط مو هو
    تدخل الرجال من عايلتكم ويقولون بالفم المليان بنتنا تسكن بيت لحالها
  3. @tothh912446

    صاحبة الموضوع
    أولادي أغلى ماعندي
    وتتطلق ليه وتستنى يتصل عليها ولا يجي ياخذها ليش تروح لبيتها حتى لو بمنطقة ثانية وهو اعلى مابخيله يركبه تقولخ طبخ مو طابخة ونقطة عالسطر لاطلق وقتها جات منه وبرضه وقتها تقعد في بيتها ولا خلها تكيد لمرته وتطبخ كمية اكل نفس اللي ترسلها زوجته ا…
    أختي نفس كلامك بس والله يا أختي هذا غيض من فيض ي كثر خرابيطه بس الله يزينها …ابوي ينتظر منه إتصال او جيه يشوف اللي عنده …..انا خايفه من حركاته … والحريم يأثرن عليه ويسمع لهن ،،،خايفه يطلقها وحس هذا نيته بس يبيها هي تكلم عشان يسقط حقها
  4. @tothh912446

    صاحبة الموضوع
    &روعة الحياة&
    يجي غرفتها؟ تطبخ للبيت كامل؟ يعني اختك وطبينتها ساكنين سوى ؟؟ اذا كذا هي اللي تتشرط مو هو تدخل الرجال من عايلتكم ويقولون بالفم المليان بنتنا تسكن بيت لحالها
    لا ي عمري هي بشقتها لحالها و طبينتها بشقه ثانيه كلهن بنفس العماره
  5. ترف
    أختي نفس كلامك بس والله يا أختي هذا غيض من فيض ي كثر خرابيطه بس الله يزينها …ابوي ينتظر منه إتصال او جيه يشوف اللي عنده …..انا خايفه من حركاته … والحريم يأثرن عليه ويسمع لهن ،،،خايفه يطلقها وحس هذا نيته بس يبيها هي تكلم عشان يسقط حقها
    وابوك يستناه يتصل ليش
    يقولك افضل وسيلة للدفاع هي الهجوم
    خلي ابوك هو اللي يتصل ويجي يشرشحه ويديه كلمتين في العظم
    هو قاعد يضغط ويستقوى على اختك لأنه مالقي ردة فعل للي قاعد يسويه منها ومن اهلك
    خلي ابوك يوقفه عند حده
    وتراه بيخاف
    لايغرك الهبل ونفشة الريش اللي قاعد يسويه
    مع اول هوشة بيرجع ينكمش

تابعي تجارب أخرى من هذا القسم.