وشلون كبرت بسرعه

بنات اكثر شي لو الحين احد يسالني
وش تخافين منه بالحياة العمرررررررررر
قبل كنت اضحك اقول ليش الحريم
يخفون اعمارهم
بنات احس ممداي كنت بالجامعه
ممداي كنت ببدايه العشرينات
ممداي كنت وكنت
وشلون بهالسرعه وصلت 32؟
زمان كل ماكبرت سنه انبسط
لما كنت بالعشرين
الحين كل ماقرب ميلادي اشيل هم
اني كبرت سنه
يعني خاصه ياربي الاربع سنين الاخيره
قبل بداية كورونا بسنه وكورونا ثلاث سنين
سرقت اعمارنا بشكل😭😭
مدري مدري وشلون مرو برمشة
بغمضه مرت وطارت السنوات
يعني دايم اشوف امهات عيالهم ماتعدى
28 وتغث ولدها تزوج تزوج
يعني وهو ولد تحس عمره كبير
ولازم يتزوج وياخذ بنت صغيره 25 ممكن
طيب اللي مثلي وش وضعها؟
تدرون فقدت الامل
لدرجه وحده تقول يمكن يتقدم لك
شخص اصغر فيه ناس مايهمهم العمر
قلت انا بنفسي مستحيل اقبل اخذ
شخص اصغر مني لو بسنه
فمابالك الولد بيرضى ياخذ بنت اكبر
بيقول وش ابي بعجوز ؟
وش ناقصني عشان اخذ وحده اكبر
او بعمري
ياناس اعرف ناس عندهم عيال
مطلقين ومعهم اطفال بعضهم
ويتشرط يبي بنت صغيره وبكر!!
وهو مطلق وعنده طفلين
فما بالكم بالولد
كل ماتقدمت سنه والله اني اخاف
من هالتقدم
لاني عارفه وش نهايته
بنات انا قبل تفكيري كان غير
مادري انا كنت طايشه
او كان مايهمني الموضوع
او ماكنت حاسه
كاني كنت بحلم واستوعبت
لما وصلت 30 اني جد جد انا كبررررت
انا ليش راح عمري بسرعه؟
ليش توي افوق؟
قبل ماكان يهمني ؟
انا ليش ماعمري انخطبت ؟اللي حولي ماشاء الله معهم على ولدين واكثر
حتى لو حسيت نفسي لسى صغيره
لما اشوف اللي حولي اكره كل شي
لان يحسسوني اني عجوز كلهم وراء عيالهم
ومشاكلهم ورجالهم يعني ماكانهم لسى
يعني دايم دايم شاغلني عمري

8 تعليق 1,567 مشاهدة

شاركي في النقاش

سجلي الدخول لإضافة تعليق.

التعليقات

8
  1. @ya_dhkh_shfaty

    بنت عمي نفس عمرك ٣٢ اتزوجت واحد اصغر منها ٢٩ ربي له حكمه بالتاخير لا تفكري بسلبيه الله يسعدك ويحقق امنياتك
  2. استمتعي بحياتك ولاتركزي على شي معين وتحطيه ببالك انه مشكله هذا شي مكتوب وربي كاتبه لك وبنسبه للخطبه انتي تروحين مناسبات كثيره روحي مناسبات مع اهلك وجمعات واكشخي فيها بستر وخليك جريئه مع ناس سولفي وبيجي نصيبك بإذن الله وربي مااخره الافيه خير لك وترى شباب هالايام يتزوجو واعمارهم ٣٥ كثيثير منهم يعني بيجي ان شاء الله واحد مناسب لعمرك ولاعمره تزوج والله يسعدك ترا زواج موب كل شي حققي احلامك واهدافك اشتغلي على نفسك دراسه وظيفه والله يوفقك
  3. @Roroy8877

    صاحبة الموضوع
    والله تعبت من التفكير
    يعني احس عمري جالس يمشي
    بدون فايده بس انام واصحى لين سنين
    دراسه ذرست وظايف مافيه ابد
    وسبحان الله كاني كنت
    بحلم وصحيت يعني طول فتره
    العشرينات ماعمره خطر ببالي
    الزواج
    او العمر لكن قبل سنتين تقريبا
    كاني صحيت استوعبت الوضع
    لما وصلت30وشفت اللي حولي
    واللي اصغر مني بسنوات كثيره
    عندهم يعضهم عيال
    واللي يقهرني اكثر
    امي للاسف!!
    مو حاسه ان عمري قاعد
    يمشي يعني اخر همها
    اتزوج او لا
    اشوف امهات قريباتي بعضهم
    يرززون بناتهم وبعضهم يمدحون
    بحجه يبون احد يتزوجوهم
    امي نهائي لو بكيفها تتركنا
    عندها كل عمرها

تابعي تجارب أخرى من هذا القسم.