علاقتي مع امي

عليكم السلام ورحمة الله وبركاته
ترى الامهات قبل كل شي هن نساء ولهن شخصياتهن احد هادي واحد اجتماعي والي عصبي والي مرح وكذا.... فأحتمال تكون امك ربي يحفظها شخصيتها او طبعها كذا. انتي شاركيها قولي لها عن صديقاتك وشو تحبوا، اسأليها اذا تريد شي تساعديها، الصباح يوميا صبحي عليها وقبل النوم تمسي عليها... ما لازم تسولفي معاها وتمزحي ولا تكون نفس صديقتك بس انتي تعاملي معاها كانها امك واحترميها وبريها ولا تعانديها وباذن الله راح تكون اقرب مما تتخيلي

انا امي زي امك وشديده معنا مرررره ويعني متربيه زي تربية الأولين لكن انا احشر نفسي عليها وامزح معها واسولف معها يوميا عاد الحين الله يخليها لي ماتستغني عن جلستي لدرجة تسوي امي قهوة الصباح وتصحيني اجلس معها ونسولف جلسه وحده الين العصر ونسوي قهوة عصر ونكمل 😂لدرجة كل يوم سوالف جديده وحنا بنفس البيت 😂امي بالبدايه اسولف معها وكذا بس ساكته ولاتاخذ وتعطي وكان الوضع كذا بين امي وبينا انا واخواتي شبه رسمي مع العلم امي كبيره في السن عمرها بالستين لكن سبحان الله ترى اذا عودتي امك كل يوم تسولفين معها حتى لو ماتعطيك وجه راح تفقدك وراح تتغير ياما اشياء كثييييييييير تغيرت بأمي ولا كان ببالنا بيوم انها تتغير.

صح الامهات شخصيات بس امي تحب تسولف ويوم تيجي اختي المتزوجه تسولف معها مرهه وتكون كأنها صديقتها يعني امي تسولف على حسب الاشخاص اللي عندها احاول افتح سوالف معها وكذا بس مقدر يمكن لاني صغيره مادري والله

الله يحفظها لك ويديمكم يارب بحاول افتح سواليف معها يوميا انا حاليا يعني احاول اساعدها دايم واكون باره فيها بس ودي يكون بيننا ميانه ومااستحي منها وان شاءالله بحاول

مثل ما قالت حدس عوديها ان كل يوم تكلميها شوي شوي لحد ما تتعود عليك وتبدي تسولف معاك وتعرفي طبعها