اتطلق ولا ما اتطلق

قبل تتطلقي او ما تتطلقي وقفي مع نفسك وجيبي ورقة وقلم
اقسميها من النص واكتبي الجهه اليمين (الايجابيات) واليسرى (السلبيات)
اكتبي كلللللل شي فيها من احتياجاتك وطلباتك وظروفك وكللل شي

اذا شفتي السلبيات اكثر هذا قرارك
وقبل كل شي صلي صلاة الاستخارة
والمهم ما يكون عندك اطفال يتمرمطوا بالحياة

المشكله عندي بنت و كل ما اتذكر كيف كان وضعها لما اتطلقنا اول مره احزن و اتراجع و المشكله اهلي بعد من النوع يلي يخلي ابناءه شخصيه ضغيفه مع انهم ناس طيبين و فيهم صفات محموده كثير لكن كثرة الهواش و التحطيم عندهم خلونا كلما بشخصيه مهزوزه مع انه كلنا ما شاء الله مهندسين و دكاتره و طيارين تبارك الله لكن كلنا شخصيتنا فيها خلل او انه طيبين بزيادة ما نعرف نجابه المجتمع ننصدم لما حد يسيء لنا ما نعرف نرد ع الاساءه هالشي اخاف يصير ببنتي و تفقد شخصيتها

بما ان المشكله من اهله عادي تقدرين تستمرين معاه حطي حاجز بينك وبين اهله اي شخص يوصلك كلام سكتيه او ابعدي عنه وزوجك اذا تكلم قولي مابي اسمع واطلعي من المكان خلك صارمه من هالناحيه وفكري في بيتك وبنتك وزوجك الناس كلامها لاراح ولا جا صحيح ياذي بس اشغلي نفسك عنهم وابعدي واشتري راحة بالك خلك شبه انطوائيه لاتختلطين بالناس هاذي ابدا الا بالمناسبات المهمه ولاتطولين عندهم
روحي عند اهلك فتره لين تهدين من هالسلبيه بعدها ارجعي بيتك بشخصيه ثانيه شخصيه اقوى مع حسن المعامله للزوج صدقيني هو مع الوقت رح يوقف معاك بالنهايه انتي زوجته وام بنته واكيد الرجال يبي راحة بال مثلك انتي وبس الله يالف بين قلوبكم ويوفقكم .

فتره وتعدي حاولي تكتمي الاسرار ولا تقولي الى زوجك شي يمكن يفشيه ويضرك ويضر اهلك في المستقبل ويمكن زوجك على نياته وضعيف قدام اهله
اهله هم المشكله وهذا اللي يسووه علشان يبغوك تطلبي الطلاق من نفسك وترجعي كل المهر إلى زوجك
اسكتي عنهم ولا تردي عليهم مع الايام الناس بتعرف انك بنت اصل وحتى الناس عارفه هالشي من طيبة اهلك وسمعتهم يعني ارتاحي ماراح يصدقوها الخير في اهلك اكيد الخير فيك بعد والناس تشوف وتحس بهذا الشي
ثاني شي حاولي تكوني لك مستقبل علشان تستقبلي ماديا يعني اذا مو مكمله دراستك كمليها علشان تتوظفي
عندك هوايه نميها وطلعي منها فلوس
اشغلي وقتك تكسبي منها فلوس مثل مكياج وطبخ وخياطه و كرشيه ونقش شوفي ايش يناسب لك واتعبي على حالك صيري شي
راح تنشغلي بنفسك ولا راح يهمك القيل والقال ودام معاك زوجك ومتفاهمه معاه خلاص وش لك بهم
وترى الطلاق يحتاج له لو فكرتي تطلقين انك تكوني مستقله ماديا يعني موظفه او عندك كنز من الفلوس وعندك ملجأ يعني مكان يستقبلك واذا مو متوفر هالشرطين او متوفر شرط واحد أنسي الطلاق حاليا لين يتوفروا
واشتغلي على تكوين مستقبل ماديا لك سوء حابه تطلقي او لا لازم تكوني مستقبل لك لانه حياتك بتصير افضل بكثير به لو حتى ماتطلقتي
استغفري وحوقلي وسبحي وصلي على خير البشر سيدنا محمد
يفرج همك ويرتاح بالك

إنتي متعبنج أهله والقال والقيل
اعتزلي كل من ينقلج الكلام
استقلي عنهم إذا كنتي ساكنه معاهم
اقطعيهم من على السوشال ميديا ولاتتبعين أخبارهم
إذا مب محارمج فمالازم الزياره حتى فالمناسبات مدام متأذيه
ونفس الشي يتبعونه أهلج معاهم

تدرين إنه لكم حسنات جاريه من وراهم
عيشي لنفسج وأسرتج ولاتسمعين قال وقيل، وفترات الضغط اطلعوا غيروا جو
إنتي ماتضمنين زوج أحسن منه اذا انفصلتي، ولا تضمنين البنت تبقى حضانتها معاج على طول
قدمي ع وظيفه وانشغلي بشي
الفضاوه تكبر العلوم فنفسج وتخليج تفكرين بزياده ف ناس تافهه حياتها قال وقيل