توني متزوجه وزوجي ....

ترا لسى عرسان في أمور بتخف وتتغير مع الوقت انتي اصبري دامه كويس ويعوضك بشيء غيرهه مو منع بالمره .
في زوجات تتمنى تمشية السيارة هذي 
انا زوجي بداية زواجي مشدد امور كثير والان عادي ..

معليش كان لما رفض تروحي مع اهلك اقوليله دحين تجيني
ابغى ارجع
اقعد لوحدي في بيت اهلي ليش
ومعليش مين اللي لسا يفكر زي زوجك
مع صاحباتك واهلك بنمشيها
لكن حتى معاه
معليش انتيهي لايكون الموضوع بخل
جربي اعزمي صاحباتك في البيت وشوفي وش يسوي
وكلميه على ان الموضوع منتعي
مو تشاوريه
حسسيه ان هالبيت بيتك
مو تاخذي اذنه لما تحبي تكلمي احد بزورك
وشوفي وش يقول
ومدام توك ببداية حياتك الدوجية في شغلات لاتتهاوني وتتنازلي عنها
عشان لايتعود وبعدها صعب تغيريه

✅
عادي ترا زوجك كويس
حتى انا كذا
بالبدايه نفسك
الان فتحت جمب بيتنا حديقه
بالبدايه رافض اروح لها ع رجلي طبعا
لان ممنوع عنده الحدايق
المهم صاروا خواته يروحون لها
مع الايام والشهور صرت اقول له بروح لها مثل خواتك
بالبدايه كنت اروح وهو زعلان شوي طبعا لحالي مع اطفالي اطلع
شوي شوي اقتنع اني اروح
مع ان في بداية زواجنا قلت له احب الحدايق قال انا ما اروح لها انا ابتعد عن سفاسف الامور
ولا اروح لاماكن تجمعات..
المهم صبرت كل سنين عمري
بعدين يوم فتحت الحديقه جمبنا وعيالي معي الحين صارت مسموح بالنسبه له اروح معهم..
بالنسبه الكوفي والمطعم ممنوع منعاً باتاً..
وعادي زي زوجك
ياخذ العشاء سفري ويجيبه للبيت
وانا عادي تعودت ..
الا في حاله وحده
اذا مسافرين ولسا ماحجزنا فندق
عادي نتعشا في قسم العوائل لان لسا ما اخذنا سكن..
بس نفس زوجك بالضبط
في السفر عادي يمشيني
في الرياض لا
والسوق ماينزل معي ولا يوديني لاسواق بعيدة ممنوع
فقط يوديني للي جمب البيت ينزلني اخذ احتياجي
بعدها يرجع ياخذني .. 
وبالبدايه كان مايحب ينزلني للسوق ويروح كان فقط يخليني انزل لمحل يكون ع الشارع وينزل معي عادي اخذ حاجتي بسرعه ونرجع نركب.
الحين صار ينزلني ويروح واذا خلصت ادق عليه يرجع ياخذني
قصدي يتغيرون مع السنين لا تخافين ..
..
المهم تمشي الامور..
جربي تروحين معه لسوبر ماركت اذا بيقضي للبيت اعتقد بيوافق ..
اغلبهم هالمشوار مايرفضونه ..
الله يسخر لك ..

وعادي انتي مع الحمل والاطفال
صدقيني بتلهين
ومع الايام هو بيتغير للافضل
وانتي بتتعودين ويكون عندك اهتمامات اكبر ..
وبتحسين ان هذي كلام فاضي صدقيني ..
اهم شي لا تكبرين الامور
وحافظي على زوجك
ولا تسمعين كلام المُخببات الله يهديهم
الله يسعدكم 🌸

بالنسبه لسلفتك
لا تعلمينها شي ولا تفضفضين لها
ولا تصيرين حساسه
ماعليك من الناس
خليك واثقه من نفسك
كذا محد بيتجرأ يتكلم ..🌸

لا ماهو بخل ابدا يدفع وكريم لا عنده الطلعات وكوفيهات ومطاعم لاااااا