ليش مايتركونا نعيش براحتنا وبكيفنا

واضح انهم ما يعرفون ولا شي عن المشاريع بس يرددون مثل الببغاوات الاشياء اللي يسمعونها
لو مشاريع الطبخ كلها فيها ارباح خياليه كان لقيتينا كلنا نطبخ ونسبح بالفلوس سباحه
هم ماعليهم شرهه ناس فاضيه يتكلمون بجهل وحيلتهم بس الثرثره والقيل والقال
الشرهه عليك انتي اللي فاتحه للناس آذانك وتستقبلين كلامهم كأنه كتاب مقدس منزل من السماء وحقيقه مطلقه لا جدال فيها وجالسه تحرقين بنفسك على شي ما يستاهل
ترى كلام الناس لا يودي ولا يجيب
وانا شبه متأكده انك تمرين بهذي الظروف اللي تحسسك بالاستفزاز لان الحياه تبيك تتعلمين درس انك ما تعطين كلام الناس قدسيه ولا تعطينه اكبر من حجمه اسمعي من اذن وطلعيه من الثانيه
واذا قالو لك المشروع الفلاني فيه فلوس قولي لهم يلا روحو سووه انتو مبروك عليكم الله يوفقكم
لا تسمحين لهم يرمون مشاعرهم بالنقص وقلة الحيله عليك
وصدقيني مهما سويتي راح يبقون يتكلمون وينتقدون
المهم في كل هذي التجربه والحكايه انك تفهمين الرساله والدرس اللي هو انك ما تعتبرين كلام الناس شي مهم وله قيمه عاليه وقدسيه لانه مجرد رأي شخصي يمثل صاحبته
وانتي شخص لك كيان مستقل مو شرط اللي يناسبك يناسب غيرك ومانتي مجبوره اصلاً تقنعينهم بالاشياء اللي انتي مقتنعه فيها طنشي وسلكي وكبري راسك

فيه ناس يحسبون رايهم مهم وغيرهم ضايع وناطر نصايحهم الحكيمة
راتبج اصلا المفروض محد يعرف كم وان عرفوا من مصادر ثانية قولي لهم بكل بساطة ماشتكيت لكم الحمد لله مرتاحة فوظيفتي ومع راتبي ولا طلبت نصيحة

يا بنتي الزم ما عليك صحتك
لا يجيبون لك النفسية والقولون وابدا لا تتاثرين وحتى لو تأثرتي لازم تعودين نفسك انك ما تتاثرين قوي نفسك وردي عليهم وقولي لهم يلا ليش انتو ما تشتغلون بالطبخ وتجيبون لكم الاموال الخيالية
ولا تصدقينهم ترى الطبخ يجيب عوار الراس ومو مثل ما يقولون يجيب فلوس لان هذا رزق يوم يجي لك رزق ويوم لا والمفروض ما تقولين لاحد عن راتبك بس يبدو انك على نياتك تحسبين بيقولوا لك ماشاءالله والله راتبك حلو وعلى قدك
ودامك مرتاحة وراتبك على قدك وتوفرين منه فما عليكي منهم طنشيهم وردي عليهم ردود قوية
الله يبارك لك
واعتزلي ما يؤذيك كما يقال

ياعمري انتو استفدت من ردودكم كثير الله يحفظكم

ماعليك من الناس اهم شي انتي مرتاحه خلاص والله كنت موضفه براتب ٢٠٠٠ ريال بس وكفتني وانبسط وخليت الناس في داهيه مانفعوني