اختي و مضايقتها لي باطفالها
السلام عليكم ورحمة الله وبركاته ، صباح الخير ، مشكلتي اختي الكبيرة تضايقني با اولادها بااستمرار وعلى مر سنوات ... بسبب ظروف حياتها تأثرت حياتي سحبتني معها للقاع ... في بادئ الأمر كنت اتعاطف معها و انظف بيتها و اقول عندها مشاكل لازم احد يكون جنبها بعدها انقلبت حياتي رأساً على عقب ... صارت تعاملني معاملة الخادمه لعيالها وعيالها تعلقوا بي لان بطبعي حنونه وعاطفيه لكن تدهورت حياتي ونسيت نفسي ... كنت اعمل في وظيفه قطاع خاص و جابت لي بنتها عندي فجأة بسبب ظرف عندها و اضطريت للغياب مع بنتها ٥ ايام لانها كانت متعبه و خسرت عملي .. تعودت ترمي علي مسؤلياتها بالاجبار ولما انتقلت لمنزل جديد زوجها يقول خلي اختك فلانه تنظف معك ' كأن مساعدتي لها صارت فرض علي... حتى لما درست دراسة دبلوم صارت لعائلة اختي مشكلة صحية و احضرت بنتها عندي شهور طويله و خسرت دراستي للدبلوم بعد . لاني فالاخير مو أم في الحقيقه ولا اقدر اقوم بمسؤليات الام مع مسؤليات حياتي الطبيعيه الي متعوده عليها ونفسيتي تعبت من تأثيرها على حياتي ' اتذكر زوجها لما اتصل بي وقال نبغى بنتنا عندك وقلت له انا ادرس اترك دراستي يعني ؟ قال ايوه ' رغم اني حاولت اكملها واتحدى ظروفي ولكن ماقدرت ' عمري وقتها كان ٢٨ سنه تقريبا حاليا عمري ٣٤ سنه ولا زال الاستغلال والاذى مستمر منهم باطفالهم علي ' جو سكنوا بالعمارة معنا مؤخرا وصاروا عيالها يطقون باب غرفتي ٢٤ ساعه و يجلسون بالساعات الين افتح لهم وحتى الحمام اكرمكم الله يجلسون يطقون الباب علي حتى وانا اتحمم ' امي لما اشتكي لها ما تاخذ موقف ! لكن تقول لا تفتحين لهم وادخلي غرفتك وبس ' وللاسف يجلسون يطقون الباب ازعاج طول الوقت و لما كلمت اختي قلت لها لاترسلين اولادك قالت معليش عندي اشياء أهم ! و اذا جو لك عيالي اطرديهم ؟! و انهت الكلام ' صرت اكرهها بعض المرات وتعبت نفسيا من تصرفاتها ' علما بان حياتها مو طبيعيه و بيتها دائما وسخ و كل شيء عندهم مو طبيعي وانا احزن على الاطفال ضحايا بس حتى انا صرت ضحية وش الحل تعبت مره و امي انسانه تعبانه وتسكت واحس اني ضعت بسببها طول الوقت متوتره و متضايقه واحس بالضعف وتسلطها علي ' اتمنى لو عندي اخت كبيرة واعية مضيافة بيتها دايما عامر واولادها متربين و مؤدبين بس للاسف حياتي من كل النواحي مو طبيعيه