مساء الخير
انا اذا شفت احد الأطفال او مراهقين فعل شي ينرفز اغضب واكيد اكتم غضبي ولا أبين شي وفي داخلي بركان ثم بعدين اذا احد أطفالي فعل نفس الحركه استشيط غضب وانفجر أوضح لكم امثله
مره شفت ولد عمره ٨ دز على حرمه طاوله فيها فنجال قهوة طبعا كان متعمد انا الان لو يرمي احد أطفالي الاكل او الشرب انفجر واموت من الغضب
مره شفت بنت تحب تاكل اكثر من حاجتها وتجلس تبكي الا بتاكل وأحيانا الاكل الزائد يضرها ولكنها تاكل ثم تستفرغ امها وعلى ها الحاله انا بنتي اذا جلست تصيح تبغى زياده اكل او حلويات عن الحد اغضب جد جد
ومره طفله عمرها ٢ طول الوقت على الجوال ولما اخذت امها منها الجوال صارت تبكي وتصارخ صراخ يروع كنها محروقه وامها ما قدرت تأخذه منها الان بنتي ما اعطيها جوالي لو تموت فا اذا شفتها تبكي او تصارخ تبغى الجوال اتوتر واتنرفز يعني ما كنت كذا من قبل فقط لما صار عندي أطفال يعني اذا تكرر الموقف المستفز الي في ذاكرتي قدامي طلعت الكبت وانفجرت
شاركي في النقاش
سجلي الدخول لإضافة تعليق.
التعليقات
7- تعوذي من الشيطان . و خلي عنك مراقبة الناس ، كلما تشوفين موقف قدامك ما اعجبك ادعي لهم ، واتركي المكان .. احرصي على ضبط النفس حتى مع عيالك
- يمكن وقت الموقف تحسين بشعور الام ويتخزن عندك
بقولك على شغله وحده غيري مفهومك عن غلط الاطفال ماهو شي مستفز هم كذا قاصرين و ومساكين مايعرفون يعبرون عن مشاعرهم الا باللعب والتكسير والعنف والمفروض ترحمينهم
السذاجه انك تتوقعين من طفل يتصرف ويفهم نفسك وتعاملينه كانه ند لك !!! - الأطفال يغيرون الشخصية، حاولي تتأقلمين معهم.
- بالله عليج عصبيتج وعنفج بولد عندهم عنف و عصبيه.. انا حاسه فيج حاولي تفصلين شوي قبل لا تنفجرين او بدايه العصبيه اخذي نفس.. راح تخف حده الاعصاب..
بعدين الاطفال يبيلهم طوله بال طووووله بال طووله بال و صبر ماهم مثاليين
انا بنتي صغيره بالاشهر بديت من الحين اروض نفسي و ااقلم نفسي و امسك اعصابي مع اني حاره و ماعندي طوله بال لكن بربي نفسي من اول و جديد
ذكرتيني ببنت حماي دلووعه بعمر ٥ سنوات تخيلي تقط الاكل بالارض و تتفل و مادري شتسوي وانا احس بقوم ادوس ببطنها من الدلع الماصخ لكن اذكر نفسي انها مو مسؤوليتي ولا كأنها موجوده بس انا يت صوبي اصير حازمه و اتحاشاها مع انها طفله بريئه لكن بالنسبه لي تربيه اهلها مو صحيحه لكن بنفس الوقت اقول الله يعيني على تربيه بنتي و يعينهم احاول ما اطلق احكام و اربي نفسي على الصبر و طوله البال
اقري عن طرق السيطره على الغضب مع الاطفال و ردديهم و حاولي تطبقينهم كل ماصار بوقت الطفل فيه صغير كان احسن
العصبيه مع الطفل بتخليه متوتر وعصبي الطفل يحاكي والدينه وبكون خايف
ان شاءالله اكون فدتج والله يعينا على تربيه عيالنا Fatma kw2 بالله عليج عصبيتج وعنفج بولد عندهم عنف و عصبيه.. انا حاسه فيج حاولي تفصلين شوي قبل لا تنفجرين او بدايه العصبيه اخذي نفس.. راح تخف حده الاعصاب.. بعدين الاطفال يبيلهم طوله بال طووووله بال طووله بال و صبر ماهم مثاليين انا بنتي صغيره بالاشهر…
كفيتي ووفيتي يامعودة 😂😘
مواضيع مشابهة
تابعي تجارب أخرى من هذا القسم.