الغثيان

حاولي تاكلين اكل خفيف وكميه قليله اهم شيء لا تجوعين وخلي عندك قريب من السرير انواع بساكيت وقبل تقومين اكلي واشربي عصاير طازجه وفواكه وان شاء الله مده وتعدي واذا تعبتي مره روحي لاسعاف واخذي مغذي وابرة الغثيان تهدي شوي

الحل انك تتحملين وتصبرين ، ولاتجوعين، الجوع عدوك ،، اذكر كنت لما اصحى من النوم اشرب نص كاس مويه عشان عاى طول استفرغها ههههه استفراغها أسهل من الأكل ،، ثم عقب ما استفرغ اخذ حبة الغثيان على ساندوتش خفيف مرررة واغصب نفسي ، وكنت أحاول قدر المستطاع أفصل بين الأكل والشرب ، اشرب مويه لكن مو مع الاكل ، وعادي اشربي واستفرغي وكلي واستفرغي لزوم تتحملين الى ماتمضي الأيام وتصيرين تمام وتفرحين،، كنت بعض الاوقات يعطوني مغذي واقول تمام مو مشكلة دامها فترة وتعدي اهم شي ربي يحفظ الجنين

حالي من حالك بالشهر الثاني وتعبت ولا اشم شي لازين ولاشين والجوع مره يتعبني ولافيه حل لاحبوب ولاغيره مره تخفف واغلب الاحيان لا مالنا الا الصبر الله يبلغنا شوفتهم بصحه وعافيه

الله يعطيك العافيه ان شاء الله بجرب للي قلتيه لان فعلاً جوعي حار ولاجيت اكل تنسد نفسي لكن نصبر والله يعين

الله يعطيك الف عافيه موعدي بكرا لنبض الجنين بقول لدكتوره وضعي علشان تعطيني حبوب وهل لحبوب تساعد مره ولا نص ونص ؟