وش رأيكم بالزواج المبكر ؟؟

اذا تخطيتي مرحلة زيارات الاهل اللي عالقه فيها واستوعبتي ان كل شخص على هذا الكوكب مختلف عن الثاني وانهم مايشبهون حياتك ولا حياتي ولا حياة س و ص ...الخ ساعتها ماراح تحتاجين تناقشيني مثل هذي النقاشات ولا راح تحتاجين تصورين لي تعليقات مواضيع ثانيه محتواها وظروفها واهدافها مختلفه عن هذا الموضوع
لو تتخطين مرحلة زيارات الاهل صدقيني عقلك راح يكون له قدره يشوف حاجات غايبه عنه وان الحياه اسهل من التعقيد اللي محاصره نفسك فيه
وراح تستوعبين انه حتى المشكله الوحده مالها حل واحد فقط وانما عشرات ومئات الحلول لاننا ببساطه مختلفين ولكل مقام مقال

الزواج المبكر إستقرار عاطفي في ظل كل المغريات والتطورات الي صايره.

كل شي صار يشحن عواطف البنت والولد.

ومحد يقدر ينكر بعض الأشياء الي تصير ونشوفها في العلن.

كونه مسؤوليه إي نعم مسؤوليه سواء تزوجت البنت بدري أو متأخر

والوضع الحين فيه تسهيلات كثيره

شغالات بالساعه
اكل يوصلك للبيت
وحتى الشباب معد هم متطلبين زي زمان.

طبعا مهو إندفاع ولا سلق بيض
أكيد فيه تروي وسؤال وتمهل.

ولا هو شي إجباري.


وكثير درسوا وكملوا وهم متزوجات حالهم حال الي متزوجه وموظفه وماترجع للبيت إلا وقت متأخر.

إذا البنت جاها خاطب كفو وهي وافقت فمامن حقي أنا أرفض نهائيا إذا صاحبة الشأن وافقت!

لو بدون اطفال عادي مع اطفال ماانصح فيه حتى عدوي

البنات اللي يقولون بدون اطفال وينصحونها بموانع بنات هذي نصيحه تحتاج تفكير ومراجعه لو صارت البنت تاخذ ادويه ومانع حمل كيف بتعرف انها سليمه وماعندها مشاكل كيف بتعرف انها تحتاج علاج كيف تعرف انها عقيم بكذا تروح منها كم سنه تاخذ حبوب على اساس انها من يوم تتركها تحمل بعدين تتفاجأ انها ما تقدر بكذا راحت عليها كم سنه

الا الزواج مانع انك تكملين دراستك تروحين تخلفين اول طفل بعدين تقولين مين بيجلس عنده وتتركين الدراسه تتعذرين في البزران