ماسك ماي الورد والنشا

... فوائده لاتعد ولاتحصى ...🤷🏻
بتحتاج: ٢ ملاعق نشا كبيرة + ٤ ملاعق ماء ورد
طريقته: تجيبي علبة فيها تمزجي النشا مع ماء الورد وتحركي لين يصير الخليط زي الحليب
بعدها تحطي ع النار لو عندك قدر صغير أهم شيء يكون شيء ماهو بلاستيك لان نار 😶‍🌫️
وتحركي الخليط لين يصير غليظ مثل الزبادي لاصار واجد غليظ او بدا يتكتل حطي ملعقتين ماي عادي واخلطي بسرعة...ماتطولي وهو على النار تقريبا دقيقة بس ويستوي وتكوني تحركي فيه طول ماهو ع النار عشان لايتكتل...نرفع عن النار ..نتركه تروح الحرارة اللي فيه ويصير معتدل وادهني بشرتك واتركي يجف وازيليه واغسلي بشرتك وحطي مرطب.
وشوفي كيف نتيجة حلوة لما تداومي عليه تفتيح ونعومة وريحته تفتح النفس 🧖.
..عادي تخلي الباقي في الثلاجة أهم يكون مغطى لايجف.. أهم شي يكون الماسك قوامه كريمي لو ماصار كريمي فهو ماضبط ..🧏