حبوب الفحم تسبب نزيف ؟؟؟

الحمدلله
رحت الطبيب
وراح احط المعلومات عشان تكون مرجع لكل وحده تبحث ، حتى لو مر على الموضوع عشر سنين

اللي صار ان حبوب الكربون والنوع اللي خذيته اسمه نيو كربون لون الحبه اسود
تحتوي على اليانسون بجرعه صغيره لكن مركزه

وبما ان انا خذيتها 3 الى 4حبات يوميا لمدة ثلاث اسابيع لاني اعاني من القولون والغازات ادى الى ارتفاع هرمون الاستروجين بشكل اكبر من المفروض بالجسم لان اليانسون يساوي التركيب الكيميائي لهرمون الاستروجين

اللي بدوره يؤدى ارتفاعه الى تلخبط الدوره وحدوث نزيف وانقباضات لرحم وحدوث اكثر من دوره خلال الشهر اذا زاد عن المستوى

كل اللي دخل وطلع لي (طلب) اذا استفدتوا ادعولي بظهر الغيب🤲🏻ولكم بالمثل 🫶🏻

الحمدلله على العافيه

+ان الدكتوره بلغتني احسب نفس عدد ايام دورتي وبعدها اغتسل ويكون بداية الطهر
يعني اذا انتي دورتج خمس ايام احسبي خمس ايام واذا سبع ايام احسبي سبع ايام وهكذا ..

للعلم كانت تنزل قطع كبيره من الدم لاتخافين ولا تحاتين ادري مصدومه نفسي ان اشلون دورتين بشهر واحد واول مره بحياتج يصير لج هالشي 😨عادي لخبطة هرمون بسبب المشروبات الطبيعيه اللي حولنا مثل اليانسون الكمون النعناع وبكميات كبيره جدا نفس حالتي وهي تعتبر مركبات كيميائيه واحنا ماندري زادت الاستروجين ،، يتعدل وترد الدوره مثل ماكانت

الدكتوره مارضت تعطيني علاج قالت اذا بعطيج علاج راح يكون هرموني وانا ابي الهرمون من نفسه يتعدل عندج

والحمدلله

اعتقد انها نفس الحبوب اللي عندي بس انا ماجربت اخذها بهالكميات فما لخبطت لي الدورة
بس استغربت من اليانسون اول مرة ادري انه يؤثر على الهرمونات شكرا على اضافة المعلومة والحمد لله على سلامتج

الله يسلمج منيره🤍