زوجي النفسية. مسافر من شهرين ويوم رجع رفض يقابلني!

هلا بنات كيفكم؟

انا متزوجة من سنتين. من بداية زواجي وانا اعاني من زوجي و نفسيته السيئة. زوجي بالعامية "نفسية". يحب الزعل و الصمت العقابي ومهاراته الاجتماعيه بشكل عام مندمرة معي ومع غيري.

السالفه ان زوجي مسافر للعمل بالخارج وكنت مرافقة معه لمدة سنة ورجعت من شهرين السعوديه عشان اباشر بوظيفتي وهو لسه هناك مسافر عشان عمله.

الي صار انه قبل اسبوعين رجع السعوديه فجأه قالي بنفس اليوم.. انا تحمدت له عالسلامة لكن عاتبته انه ماقالي لان كان ودي اجهز له البيت وكذا (البيت مهجور من سنه والاثاث مغلف كله) وبتفس الوقت صادف ان يوم وصوله واليوم الي بعده كان عندي عمل واجتماعات فماخلصت الا المغرب.

طبعا اتصلت عليه اول يوم من بعد وصوله وقلت له عن ظروفي وكذا… بعدها بيومين صرت اكتب له اني مشتاقه له وابي اشوفه.. كل يوم على مدار اربع ايام اكتب له.. للاسف كان يصرفني وماد البوز ويقول انه بالعمل وحتى مايرد على اتصالاتي يقول مشغول بالعمل.

قلت خلاص بقوله اني بشيل قشي واجي له لبيتي يعني… قالي لا عندي عمل وان شالله يخف الثلاثاء بعطيك خبر!!!!!!

تفاجأت منه اليوم يقولي انه بيسافر لمدينة ثانيه عند امه بالويكند! وانا معاه بنفس المدينه ماكلف على نفسه حتى يقابلني بمطعم او يمر علي ببيت اهلي!


امي اتصلت عليه تسال عنه وتحسسه انهم مستغربين من قطعته وكان رده عليها عادي وانه منشغل بالعمل وبيسافر يشوف امه وراجع.


هل في رجال بالعالم يتصرف كذا؟؟؟؟ له اكثر من شهرين ماشافني!! مع العلم وهوبالغربه كان مشتاق لي مره واضح. هو يتصرف كذا ممكن كعقاب لي بس انا ماغلطت بشي.. وش الحل؟

56 تعليق 6,149 مشاهدة

شاركي في النقاش

سجلي الدخول لإضافة تعليق.

التعليقات

56
  1. @ghla_alkon_7

    الحححل اقوووى سيفوووون
    لان لو كملتي تعاتبي وتحاولي وتجري وراه صدقيني بيستخدم هالاسلوب معاك دايم
    حتى عتاب وقفي خلاص اختفي فججاه

    الزعلان يجي يتناقش يجي يتفاهم مو مبوز!
    انتي ماغلطتي كفايه انك هالشهور جالسه معاه برا ومتحمله الغربه عشانه
    عشان يومين انشغلتي والغلط منه ماقال لك جاي يتفقعن ويزعل !

    اذا قررتي تطنشيه انتبهي ترجعي من نفسك والله اعطيه سيفوووون لين هو يجي لااا ويعتذر ع السحبه هذي
  2. @bnt_alkoyt_34

    والله يا اختي اشوفك غلطانة
    الحين انتي وياه بنفس المدينة
    ليش ما رجعتي بيتك
    حتى لو كان كل شي مغلف
    ارجعي وشيلي كل شي عن الاثاث ورتبي بيتك واستقبليه
    زين خلصي شغلك وارجعي البيت
    ترى هذا اللي فهمته من كلامك
    انك قعدتي عند اهلك حتى بعد ما رجع من السفر
    صح هو غلطان انه ما قالك او فاجئك
    بس خلاص هو وصل فكان لازم ترجعين بيتك
    وروحي شغلك من بيتك
    يعني تركتيه بالبيت لوحده ليش
    عشان شغلك

    اربع ايام وما رجعتي بيتك من بعد ما رجع
    غريبة بصراحة
  3. @noor124

    ترا مافيه طب بتتعبين تقبلي وضعك 

    وكمان اصنعي لك حياه يعني تسوي زيه 

    اطلعي واشتغلي وسوي كل شيء ولكن اطلبي منه مصروف

    واذا ما ارتحتي معه ولسا مستمر على نمط ذا 

    ما راح يتغير خذيها مني 

    واسلوبه من الاخر مو مهتم ولا انتي من اولوياته

تابعي تجارب أخرى من هذا القسم.