تاخر الحمل بدون سبب واضح

السلام عليكم بنات احتاج مساعدتكم وتوجيهكم

انا متزوجة لي فترة وبالبداية اتفقت مع زوجي مانجيب عيال ونستمتع بوقتنا بحكم اننا عرسان وصغار بالعمر وانا عندي جامعة ودراسة ومو مستعدة للامومة

بعدها بفترة فكرنا بالموضوع وصرنا مستعدين لذا الشي بس تقريباً سنة وربي ماكتب، انا خفت وتوترت قلت لايكون فيه مشكله ورحت افحص والدكتورة قالت كل حاجة سليمة، زوجي فحص وقاله الطبيب ايضاً كل حاجة سليمه الحمدلله..


٦ شهور زيادة وبعد مافي حمل، هنا تعبت نفسياً وجسدياً وهالشي تسبب انه هرمون الحليب عندي يرتفع كثييير لان التوتر يرفعه، المشكلة مو بايدي اخفف توتر لان بطبعي اتوتر مع الجامعة والدراسة واذا ماتوترت بجيب العيد وماراح يصحى ضميري الدراسي هههه فلما رحت لطبيبة ثانية وفحصت الهرمونات تبين عندي تكيسات بسيطة وهرمون الحليب زايد ف اعطتني دوستونيكس نص حبه كل ٣ ايام وقلوكوفاج شهر بس لان التكيس بسيط، ولما رجعت بعد كم شهر فحصته لقيته نازل وانبسطتتتت وكان وقتها اجازة وسافرت مع زوجي ونسيت موضوع الحمل ورجعت وبلشت جامعه وايضاً نسيت الموضوع ووكلت امري لله بس لليوم مافي حمل وكملنا اكثر من سنتين💔 وزوجي من فترة فحص الطبيب قال له عندك ضعف بسيط بالحركة بس مايحتاج علاج اعطي الموضوع فرصه


تعبت جداً خصوصاً اني مش عارفة من فين ابدا ومن مين المشكلة والموضوع جدااااا اتعبني وحاسه بضياع فياريت بنات الي عندها خبرة بالموضوع تعطيني نصايح لهذا الموضوع غير الاستغفار والقيام لاني مو مقصرة بذا الشي الحمدلله بس اقصد حاجات اخرى جربتوها ونفعت باذن الله

مع العلم اني ولا مرة من زياراتي للطبيبة سويت اشعة صبغة وياخوفي طول هالوقت الانابيب مسدودة


افيدوني بنات الله يرضى عليكم ويرزقكم من فضله ❤️