معا انها ظلمتني الا ان حياتها تجنن

وانتي ليه ما عندك لسان
دافعي عن نفسك قدام الناس
وقولي هيا اللي ظلمتني وقولي لهم اللي حصل
وخليك قوية وانتي تتكلمي
واتحسبي عليها ولا تخافي طالما انك صادقة
الناي تصدقها لان عندها لسان تتكلم
وانتي ساكته

شلون عرفتي انها قريبة من رب العالمين
ممكن تجاوبين على هالسؤال

لان اللي قريب من رب العالمين ما يحقد ولا يظلم ولا يقذف

مدامك تراجعين نفسك ومتأكدة ماظلمتيها بكيفها خليها تحمل وزر كلامها

وانتي لازم ماتتأثري بأي كلام لاني شفت كثير ناس ظلمة دايم يشوفوا نفسهم على حق وبكامل القناعة!

لكن حتى يكون الإنسان منصف بادلي الأدوار بينك وبينها
حطي نفسك مكانها وتخيلي انها سوت نفس تصرفك هنا يتبين لك اذا انتي فعلا ظلمتيها اولا ، مو عشانها عشان تسلمي من حقوق العباد
فإذا تبين لك ظلم من جهتك فصححي الخطأ حسب الإستطاعة والمفروض دون مكابرة..

اما هيه اذا كانت مظلومة فهي ايضا وقعت في الغيبة وتقولي القذف وهذا اثمه عظييم يتقوونه ويبتعدوا عنه حتى غير الملتزمين

الالتزام ان الجوارح والقلب تنقاد وتلتزم بأوامر الشرع فكيف بمثل هذي الكبائر..

اما الإقتصاص للمظلوم ف هذا أمره عند الله ومايحق للانسان يعترض على ارزاق الله كوني على ثقة اي ظالم لابد وينال عقوبته عاجلا او آجلا

ومين اللي اقنعك ان الشخص اذا ظلمك يعني خلاص لازم حياته تتدمر وتتعطل وينقطع رزقه ويمرض ؟
لا تسقطين عقول البشر وتفكيرهم على الخالق سبحانه وتعالى
رب العالمين ما يظلم احد من عباده
بمعنى لو شخص ظلمك بشيء معين هذا لا يعني انه ينمسح وينلغي كل اعماله الصالحه وينقطع رزقه
والظلم لابد يجي يوم كلن ياخذ حقه في مظلمته سواء دنيا او اخره
وانتي تقولين فلانه ظلمتك وفيها ويخطيها وهي كذلك تقول انتي ظلمتيها وفيك ويخطيك يعني انتو الثنتين شايفين انكم مظاليم اجل الحق مع مين ؟!
والشي المهم اللي لازم تستوعبينه وتفهمينه زين ترى البشر ماعليهم قدسيه سواء كانو ملتزمين مصلين صايمين او العكس كلنا بشر سواسيه نغلط ونصيب محد معصوم
ومسألة انك مقدسه البنت ومسويتها مثل الملاك هذي مشكلتك مو مشكلتها وربما هذا الموقف صار لحكمه من الله انك تبطلين سوالف التقديس للبشر