مستخدم المخدرات يترك ؟ عطوني تجارب

تفضلي اختي الكريمة الله يحفظك من كل شر يارب؛
انا لي قريب جدا جدا جدا جدا كان متعاطي وتعالج لأن انسجن بتهمه ذا الشي وفقد بصره بعد ماكان قوي وكان يعيش بمدينة ورجع القرية عندنا وعاش معنا والآن ولله الحمد المسجد مايتركه ابدا سبحان الله لكن اول الخطوات اتخذها انه تعالج بكتب لك رقم الان هذا رقم تدقين عليهم اللي متعاطي ويبي يتعافى 0557475070
اتمنى تسارعين لهنا

ومو عيب ابدا ربي رحيم ربي غفور اللي تعرف متعاطي اتمنى من كل قلبي انها تساعده يبنات ماتعرفين قد ايش بتسوين شيء كبير أجره عظيم

تابعي مقطع واحد كان متعاطي وتعالج باليوتيوب برنامج بحريني يجنن المهم انه يلزم صلاته لأنها الاستقامة ياجماعة

طالما الموضوع يتعلق برجوعك لطليق كان متعاطي ولسنوات طويله يفترض ما تطلبين من الناس وتتوسلينها تبيعك الوهم وتعيشك على الأمل اللي ربما يكون زائف
انتي كذا مثل الغريق اللي يبي الناس تعلقه لو بالقشه اللي توصله لغايته
لان موضوع التوبه من التعاطي ماعليه ضمانات يقدر الشخص يستند عليه ويحتمي فيه
وكل اللي سمعت عن تعاطيهم وتوبتهم وعلاجهم للاسف ما استمرت ورجعوا لنفس المستنقع حتى بعد مادخلو السجن مره ومرتين يطلعون و يرجعون مثل ماكانو لطريق التعاطي
وحطي في بالك ان المتعاطي الجديد يفرق في علاجه وتأثره عن المتعاطي من سنوات طويله يعني يكون عقله وجسمه تأثر بنسبه كبيره ويبان في تصرفاته مع اللي يعاشرونه
وموضوع التوبه بحد ذاته الوقت وحده كفيل في اثبات صدقه من كذبه يعني لما تمر سنوات طويله وهو نظيف من السموم ولا رجع لها وغير حياته تغيير جذري هذا ممكن اقول في امل تفكرين ترجعين له لكن لو تاركها ماله الا كم شهر او سنه والله ما انصح اي وحده تعز علي انها تخاطر بنفسيتها وصحتها بالرجعه
لان المتعاطين اشطر ناس بالكذب والخداع يقول تايب بالعلن لكن الله وحده يعلم بالخفاء وبلاويه ومثل ماقلت الوقت كفيل يثبت الصدق او الكذب

مع احترامي لمشاعرك لكن ما اشجع اي زوجه انها تلبس شخصية او دور الزوجه اللي تضحي بصحتها وراحتها ونفسيتها عشان تركض ورا طليق متعاطي وتكرس كل طاقتها وعمرها عشان يتعالج وينصلح حاله ويستقيم
لان هذي مشكلته مو مشكلتها هو اللي لازم يكون جازم وصادق في توبته وصلاحه لنفسه مو لغيره
واللي تقبل تتلبس هذا الدور لا تلوم الا نفسها على كل ثانيه راح تضيعها معاه لا تلوم الناس و لا تلوم حتى طليقها لان هو ما اجبرها تاخذ دور المنقذ
الحياه فيها عشرات بل مئات وألوف الخيارات والبدائل فيها الرخاء والسعه وراحة البال ليش الوحده تخنق نفسها وتضيقها عليها ؟
الاستحقاق عندكم كم مستواه ؟
الرجال لو يعرف ان زوجته متعاطيه بينسى انها كانت موجوده بالحياه ويسحب عليها ويكمل حياته لان استحقاقه عالي جدا ماراح يضيع وقته يركض وراها يعالجها على امل تنصلح وتستقيم