مترددة

من لمى قالت الاحترام ماحبه
عرفت الكلام معها ضاايع

اولادي اغلى ماعندي
انتي معروفة هنا بأنك
ذات فكر سليم ومنطقي
بالله كيف تدافعين عن غلا الكون؟؟
وشوفي تعليقي وردها عليه اخر شيء
واذا دافعتي عنها معليش الكلام
الي طلع عنك غير صحيح

رد عواطف تركي:
يووه انتو لسه عايشين ما خلصتو ولا احد دفكم من سنة الثمانينات والتسعينات وجابكم ل 2024 ؟
الناس يسافرون اوربا وشرق اسيا وافريقيا ومابقت جزيره ماطبوها وانتي تقولين سافر البحرين ؟
وبعدين وش فيهم اللي يسافرون او يحضرون حفلات ماني فاهمه ؟

تقول وش فيه الي حضر حفلات
خصوصا انها ماهي زي اي حفلة
ذي حفلة محرمة مايحضرها
المسلم

..
رد أولادي أغلى ما عندي:
يعني انتي لو رحتي الميدل بيست ولا حضرتي حفلة غنائية
يصير امرك مشكوك
ومافي احد بيجي يخطبك

اتوقع واضح كلامها الأماكن الي مثل ذي ما يدخلوها مسلمين
..
رد *****الكون:
هو راعي سفرات وفله وحفلات واغاني الناس اغلبهم الان يروحون ماجات عليه ومو عيب

تقول مو عيب والناس اغلبهم يروحون
ليه حنا بننكر انه عيب وحرام عشان
اغلب الناس راحو عليه؟؟
..
بالله عليك وجهه نظرك ياالسعودية
مكان مثل هذا بالله ماهو عيب؟؟
ولاباهو حرام؟؟
والي يروح ذي الأماكن شخص طبيعي
مثله مثل غيره؟؟
(استقبل الردود😊)

ياغاليه أنا بشر ومالي حق تقييم العضوات أو الحكم عليهم من ردودهم ولا اني انتقدهم أو أجرمهم لأني أخالفهم الرد
عواطف وأولادي من أكثر العضوات إتزان وراي سديد هنا.
أحبهم وأحترمهم ومستحيل أمر على تعليقاتهم دون أقراها.
قد اختلفت معهم أكثر من مره وتجادلنا كثيييير وأخذنا وأعطينا مع بعض بصرامه بس بشكل مافيه تجريح ولا تجريم لأنا واعيات ومدركات إنا نناقش فكره مهو ذواتنا أو أخلاقياتنا.. ولا حصل بينا جفا ولا قطيعه.

رايهم فوق أحترمه لأنهم يشوفون نفس الي أشوفه مع الإختلاف بطريقة التعبير.

يغني فلنفرض أن سين من الناس راح للميدل من باب الإستكشاف وحب الإستطلاع والرغبه في إنه يشوف وش هذا الميدل هل معنى هذا أنه خلاص فاسد مايصلح للزواج ونسحب منه كل صفات النزاهه والإيمان؟ طبعًا لا

والسفر برضه مهو دليل على الفساد نهائيا.
كم واحد لاسفر ولا حفلات بل وتلقينه مربي لحيه ثم نكتشف إنه فيه بلاوي الدنيا!

قرأت قبل فتره عن واحد كان ينوب عن الإمام في الصلاه والأذان وملتحي وسجده واكتشفوا إنه يهرب الشغالات ويسوي معهم علاقات محرمه!

ما اقصد طبعا ان الكل كذى
لكن الحكم على شخص من مجرد مكان راحله مره غلط.

وهم متفقين ترى أنه حرام... ماحللوه
لكن يقولون العصر الي حنا فيه غير العصور والأزمان الي راحت.. من أول لو شافوا الولد ماسك دخان يقيمون عليه الحد.. وتلقينه إذا جا يدخن يندس في مكان ما توصله حتى الجن!

والحين البنات تشوفينهم تالي الليل في المقاهي ويشيشون قدام الله وخلقه!

هل معنى هذا إنه حلال!
لا مهو حلال ولا نقدر نقول أنه عادي لأن الحرام حرام وين ومتى ماكان وصار

لكن الي نقصده إن المجتمع نفسه تغيرت نظرته لمثل هذي الأمور ومعد يعتبرها الشي الفاصل لتقييم الشباب أو البنات بحكم إنها صارت من العادات المنتشره والي صعب تغييرها.

والله بنات وأولاد حمايل يسوون كذى وتلقينهم يعتبرونه عادي ولايمس الدين ولا الأخلاق.. وتلقينهم صالحين كأبناء وكبنات لكن المحيط تغير ونظرة الناس تغيرت.
وصار فيه أشياء نتغاضى عنها لما نجي نقيم خاطب أو مخطوبه.

زي البنات الي مايتغطون
هل هم على صواب؟
طبعا لاااااا
وتلقينهم أدب وذرابه وبنات ناس
وينخطبون.. واضطرينا مرغمين على إنا نقول الله بيهديهم مع الوقت .

يعني هذا الوقت لو بنقيم على نفس معايير زمان صدقيني بيطلع الكل فاسد.

مع التأكيد على إن الحرام مستحيل يصير حلال بس نقول حنا مانملك تقييم كل الناس وكل نواياهم وكل سرائرهم.

والله يهدينا ويهدس بناتنا وأولادنا يارب

صح الله لسانك على كل الي قلتيه 💚💚