مترددة

من بعد إذن صاحبة الموضوع . رغد لذة عندك خبر عنها اشوفها فترة متغيبة الله يجعل الغياب خير

من مواضيعك السابقه عرفت انك لسه مراهقه فما ألوم قلة وعيك واستيعابك للتعليقات اللي تنكتب انتي لسه عالقه بمرحلة التسميع والتلقين وهذا شي طبيعي لانك لسه صغيره
وانا قلت سبق ناقشنا هذا الموضوع واشبعناه من الكلام والآراء وانتي جايه الحين فيك طاقه للجدال على غير سنع
بس اذكرك اننا في السعوديه بلد القانون والنظام
وكلامك عن التحرش وبعض المواقف الفرديه لبعض الاجانب فيه الكثير من الجهل يعني مكان كبير فيه فعاليات والكل يصور والمقاطع السلبيه اللي انتشرت كم عددها ؟ 3 أو خلينا نقول 10 عشان مايضيق خاطرك هل يعقل ان الملايين اللي حاضرين يتسلون كلهم تحرشو ببعض وكلهم صعدو على اكتاف بعض وتلصقو ببعض ؟وين الأمن عنهم ؟
ولعلمك اصحاب المقاطع الخادشه او التحرشات اللي انتشرت تقريباًكلهم تم القبض عليهم وتطبيق القانون بحقهم
مو منطق ولا عقل عشان كم شخص قذر اعمم على الناس والمكان بكبره !
احنا في بلد دين وقانون حطي تحتها مليون خط
والمسؤلين ابخص وادرى انتي خليك في دراستك ابرك لك بدال تصديق خرابيط تويتر وتيك توك اجل شربو حبوب منع حمل ليش داخلين وين ؟
انتي للاسف بكلامك هذا جالسه تسيئين لبلدنا بتناقل الاكاذيب اللي ينشرونها المقرضين الكاذبين وماراح استغرب اذا كنتي غير سعوديه حسب مافهمت من مواضيعك تعودنا على التأليف والنياح واللطم على اي شي يصير في بلدنا
وكلامي واضح وضوح الشمس وكلام كل وحده علقت ان الحرام والحلال معروف لكن كلن حر بحياته
رب العالمين خلقنا في الدنيا ويعلم ان الناس تصيب وتحطيء ولا اجل كان اختصرها وخلقنا في الجنه او ملائكه اذا ما نغلط
واتحداك تحلفين انك ما تسوين اشياء غلط بحياتك
شبعنا من النفاق كفايه غطرسه وتكبر بإسم الدين
روقي الله يسعدك واهتمي بدراستك بكرى تكبرين ويمكن تستوعبين كلامنا

الي يقولون ما يصلح الرجل يسافر لحاله، بكرا تتزوجون وتخلون رجالكم يسافرون لحالهم وانت متسدحات عند امهاتكم،
لا بعد وامهاتكم مبسوطات لان رجالكم سافرو لحالهم وانتو قاعدات مجابلاتهم مع فروخكم، لا تقولون كلام ما انتم بقده ابد

الله يسعدك كفيتي ووفيتي🤍
مشكلتها تتكلم من زاويه ملائكيه مثاليه بحت يعني حافظه وجايه تسمع تسميع لا اكثر ومو قادره تستوعب لما يكررون عليها العضوات ان الناس يعرفون الحلال والحرام وبنفس الوقت يشوفون ان اللي يحضرون حفلات او يسافرون شي عادي تثور وتجادل يعني عندها الوضع يا ابيض يا اسود
ومثل ماقلت ما ألومها لاني اكتشفت انها لسه صغيره ومثل هذي السواليف كبيره عليها .

اول شي تصرف مو منطقي
تحكمي على شخص من مواضيعة
..
ثانياً الحمدلله ماعندي لا تويتر
ولا تيك توك أي شيء يشغلني عن
طاعة الله اتركه
واعرف أيش ماسوينا احنا
مقصرين بحق الله
..
المهم موسم الرياض او ميدل بيست
دامه مكان تحرشات وسمعت بكثير
مشاكل فيه
ليه ما يتسكر وترتاح العالم؟؟
اوك انا مو سعوديه صحيح
بس تربيت وعشت فيها
وعاداتنا وتقاليدنا وكل شيء
سعودي لأننا تربينا فيها
وكلامنا كل شيء
ولا 3 او 10 مشاكل صارت فيه
خصوصاً يوم الوطني
ماخلوه يوم وطني
والاحتفال فيه بعيد الهالوين
وتحول بعض الناس للزومبي
واخر مشكلة صارت للبنت
ماراح اجلس اجمع احداث صارت
المكان هذا غنائي
تعرفين البار الي يحطونه في المسلسلات التركية؟؟
موسم الرياض نفس الشيء
المكان هذا مخصص لهاذي الأشياء
..
المهم وعالعموم شكرا لردك
واحترم الآراء ايش ماكانت
لكل شخص رأي ووجهة نظر
بس فيما يخالف شرع الله لا احترم