شاركينا تجربتج في الاستغفار ولج اجر كل من يعمل بها [[ تم دمج المواضيع المتشابهه]]

متابعة النقاش، صفحة 40

شاركي في النقاش

سجلي الدخول لإضافة تعليق.

التعليقات

7,639
  1. هلا خواتي

    رجعت اقوولكم قصصي مع الاستغفااار

    انا لم عرفت فوائد الاستغفار من هذا المنتدى الرائع بديت اكثر من الاستغفار من شهر ستة تقريبا واصلي على النبي صلى الله عليه وسلم

    والله خواتي الامور بدت وايد تتسهل لي بشكل فظيع
    وبذكر لكم بعض المواقف اللى صارت لي بسبب الاستغفار ولطف الله فيني
    اذكر من مدة بسيطة بشغلي صارت خربطة بالحسابات وكان الكاش ناقص وطبعا اذا الفلوس ناقصة اجباري بسلمهم من جيبي والموظف اللى عندي كله يتهمني يقولي تأكدي تذكري ومادري شوو ؟؟
    المهم قعدت استغفر واستغفر على أمل انه الله يظهر الحق ويبرئني
    والحمدلله الخربطة كانت منه تذكر انه غلط بالحسابات وطلع ايصال غلط وعلى فكرة هالحركة صارت لي لحد الحين ثلاث مرااات انه يكون الكاش ناقص ويتهمني انا اني مخربطة واخر شئ الحمدلله نكتشف مب ناقص شئ هو يحسبهم بشكل غلط

    موقف ثاني وهالموقف اعتبره معجزة سبحان الله لم خلص رمضان طبعا بديت اقضي اللى علي من ثالث يوم العيد على اساس بصوم 14 يوم (القضاء+ ستة شوال)
    وكنت ادعي ربي انه ماتيني الدورة لحد مااخلص اللى علي لانه كنت ابا افتك قبل الدوام على الاقل اخلص نص المدة اللى علي والدورة عادة اتييني بداية الشهر العربي يعني ياتني خامس ايام رمضان واكيد بتييني خامس او سادس ايام شوال اهي جذي مضبوطة عندي
    اقسم بربي العظيم انها ماياتني الا لم خلصت صوم 14 يوم بالتمام والكمال واليوم اللى عقبها على طول ياتني يعني امس خلصت صوم واليوم ياتني نزلت علي تخيلووا يعني كأنها كانت ناطرتني لحد مااخلص صيام وعقبها نزلت علي حمدت ربي وخبرت امي وامي قالت هذي معجزة سبحان الله الله عطاني على نيتي
    وبعد موقف ايام ماكنت اصوم القضاء اللى علي كنت ابا اروح الدوام والسيارة كانت خربانة وانا صحيت متأخر المهم قمت ولبست بسرعة وطلعت امشي بريولي بسرعة ابا اوصل الشارع العام على اساس اركب تاكسي واروح لانه بيتنا بعيد عن الشارع العام وطبعا والتكاسي نادر ماتروح داخل المناطق السكنية المهم وانا وكنت امشي وبعده كان الشارع العام في مسافة لحد مااوصله قعدت شوي استغفر وقلت يارب اييني تاكسي والله حتى مامداني اكمل الدعاء الا اشوف تاكسي جدامي في الدوار وانصدمت وقلت بنفسي هذا اكيد رايح لاحد من البيوت يوصل بناتهم ولا راكب عنده حد يوصله لبيته والله ياخواتي يااااااااني لعندي سييييييييييييدة وكأنه انا اتصلت عليه وقلت له تعالي انا في المكان الفلاني على طول ياني لحد ريولي ووقفلي والحمدلله رحت الدوام وماتأخرت وايد
    والله هالمواقف العطيمة اللى صارت لي خلاني اعاهد نفسي اني مااترك الاستغفار والصلاة على النبي صلي الله عليه وسلم

    وطبعا واللى شجعتني اكثر صديقتي لانها كانت بمشكلة عالقة اكثر من سنة ماانحلت وكانت نفسيتها دمار ومنهارة وتعبانة المهم نصحوها اهل الخيررر انها تصلي على النبي وتستغفر
    المهم انها نذرت تصلي على النبي صلي الله عليه وسلم خمسين الف مرة وتستغفر مادري كم الف المهم ماامدها وصلت لنص العدد الا المشكلة فرجت تماما من غير ماتعب نفسها محاكم وبلاوي بروحها انحلت من غير مشاكل سبحان الله طبعا خذت تقريبا شهرين لثلاث وهي تستغفر وتصلي على النبي صلى الله عليه وسلم ماتتذكر لحد ماانحلت المشكلة
  2. تروف
    reme وقف شعر جلدي من قصة بويوسف لا اله الا الله سبحان الله العظيم انا بقولكم نصيحتي لوحده من صديقاتي فاتها قطار الزواج اعطيتها الادعيه الموجوده في عالمنا عالم حواء وقلت لها تحري اوقات الاجابه وابعدي عن كل الملهيات وافضل مكان السطح ب…
    سبحان الله وايد تأثرت من هالمشاركة

    جزاكم الله خير
  3. @وجه المرايا@
    قريت هذا الرد للعضوه غاده&ماجد وحلووو ويناسب الموضوع السلام عليكم اخواتي جميعا كيفك ياحنين777 انشاالله بخير ارجوا من الله ان يشفيك في اقرب قريب عاجل اناااااااا عندي الحل السرييييييييييييييييييييييييع لكي و للجميع ولكل من تمر بمحنه او …
    سبحان الله الله يشفي بنتي ويشفيني ...اللهم امين ..

    بإذن الله سألزم الاستغفار

    جزاكم الله خير

تابعي تجارب أخرى من هذا القسم.